ەلىمىزدىڭ وڭتۇستىك-باتىسىندا شاڭدى داۋىل سوعىپ، تۇمان تۇسەدى.
انتيسيكلون ءالى دە رەسپۋبليكانىڭ باتىس جارتىسىنا ىقپال ەتە بەرەدى، سوندىقتان مۇندا جاۋىن-شاشىن بولمايدى، دەپ حابارلايدى Almaty-akshamy.kz.
«قازگيدرومەدتىڭ» مالىمەتىنشە، قازاقستاننىڭ شىعىس اۋماعىندا سيكلون جانە وعان بايلانىستى اتموسفەرالىق فرونتتاردىڭ اسەرىنەن جاۋىن-شاشىن جاۋادى، وڭتۇستىك-شىعىستىڭ تاۋلى اۋداندارىندا جاۋىن-شاشىن (جاڭبىر، قار) تۇسەدى.
ەلىمىزدىڭ وڭتۇستىك-باتىسىندا، سولتۇستىگىندە، وڭتۇستىك-شىعىسىندا، شىعىسىندا جەل كۇشەيەدى، وڭتۇستىك-باتىسىندا شاڭدى داۋىل سوعىپ، تۇمان تۇسەدى، سولتۇستىگىندە كوكتايعاق بولادى.
جامبىل وبلىسىنىڭ سولتۇستىك-شىعىسىندا جانە تاۋلى اۋداندارىندا تۇمان تۇسەدى، وڭتۇستىك-باتىسىندا جەل ەكپىنى 25 م/س دەيىن كۇشەيەدى.
اقمولا وبلىسىنىڭ شىعىس جارتىسىندا تۇمان تۇسەدى، كوكتايعاق بولادى. كۇندىز وبلىستىڭ وڭتۇستىك-شىعىسىندا جەلدىڭ كۇشى 15-20 م/س جەتەدى.
الماتى وبلىسىنىڭ تاۋلى ايماقتارىندا جانە تاۋ بوكتەرىندە تۇمان تۇسەدى. تۇندە وبلىستىڭ باتىسىندا، كۇندىز شىعىسىندا سەكۋندىنا 15-20 مەتر جىلدامدىقپەن جەل سوعادى.
كۇندىز قىزىلوردا وبلىسىنىڭ ورتالىعىندا جەل قارقىنى - 15-20 م/س. شاڭدى داۋىل تۇرادى. قوستاناي وبلىسىنىڭ سولتۇستىگىندە تۇمان تۇسەدى، وڭتۇستىگىندە جەل ەكپىنى 15-20 م/س دەيىن كۇشەيەدى.
شىعىس قازاقستان وبلىسىنىڭ باتىسىندا جەل جىلدامدىعى 15-20 م/س جەتەدى. تۇندە جانە تاڭەرتەڭ سولتۇستىك قازاقستان وبلىسىنىڭ سولتۇستىگىندە، اتىراۋ وبلىسىنىڭ سولتۇستىگىندە، باتىسىندا، ماڭعىستاۋ وبلىسىندا تۇمان بولادى. تۇندە جانە تاڭەرتەڭ اقتوبە وبلىسىنىڭ سولتۇستىگىندە، سولتۇستىك-شىعىسىندا جانە تۇركىستان وبلىسىنىڭ تاۋلى اۋداندارىندا تۇمان تۇسەدى.