ءقازىر كوميسسيا جۇمىس ىستەپ جاتىر.
قازاقستان ۇكىمەتىنىڭ مۇشەلەرى لەنين شاحتاسىنداعى اپاتتى تەكسەرۋدىڭ قورىتىندىلارى قاراشانىڭ 23 كۇنى جاريالاناتىنىن ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«23 قاراشادا قورىتىندى بەرەمىز. ءبىز ب ا ق وكىلدەرىن جيناپ تەرگەپ-تەكسەرۋدىڭ قورىتىندىسىن جاريالايمىز. ءقازىر كوميسسيا جۇمىس ىستەپ جاتىر»، - دەدى ق ر توتەنشە جاعدايلار ءمينيسترى يۋريي يلين.
ەستەرىڭىزگە سالا كەتەيىك، 3 قاراشادا «ارسەلورميتتال تەمىرتاۋ» اق كومىر دەپارتامەنتىنىڭ لەنين شاحتاسىندا اپات بولىپ، 5 كەنشى قازا تاپتى.
تج فاكتىسى بويىنشا ق ر قك 277-بابىنىڭ 3-بولىگى («تاۋ-كەن نەمەسە قۇرىلىس جۇمىستارىن جۇرگىزۋ كەزىندە قاۋىپسىزدىك ەرەجەلەرىن بۇزۋ») بويىنشا قىلمىستىق ءىس قوزعالدى.
مەملەكەت باسشىسى «ارسەلورميتتال تەمىرتاۋ» كاسىپورنىندا اپاتتار جيىلەپ، قايتالانا بەرەتىن جاعدايعا جەتكەنىن ايتىپ، كومپانياعا تەكسەرۋ جۇرگىزۋ كەرەكتىگى تۋرالى ايتقان بولاتىن.
جالپى لەنين اتىنداعى شاحتا ىسكە قوسىلعان 1964 جىلدان بەرى 69 ادامنىڭ ءومىرى قيىلعان.