11 كەنشى قازا تاپتى.
قاراعاندىدا كوستەنكو اتىنداعى شاحتادا اپات بولدى. ساعات 09:00-دەگى جاعداي بويىنشا 11 ادام قازا تاپتى، دەپ حابارلايدى Almaty-akshamy.kz
قاراعاندى وبلىسىنىڭ اكىمى ەرماعانبەت بولەكپايەۆ قازا تاپقان كەنشىلەردىڭ تۋىستارى مەن جاقىندارىنا كوڭىل ايتتى.
"بۇگىن كوستەنكو اتىنداعى شاحتادا ءورت بولىپ، 11 ادام كوز جۇمدى، ءارتۇرلى دارەجەدەگى جاراقاتتارمەن اۋرۋحاناعا 18 ادام جەتكىزىلدى"، - دەپ حابارلادى ءوڭىر باسشىسى الەۋمەتتىك جەلىدەگى پاراقشاسىندا.
ايتۋىنشا، اپات كەزىندە شاحتادا 252 ادام بولعان، جەر بەتىنە 205 شاحتەر شىعارىلدى.
بولجام بويىنشا لاۆادا گاز مەتانى جارىلعان.
جەدەل شتاب قۇرىلدى. وقيعا ورنىنا وبلىس اكىمى مەن پروكۋراتۋرا وكىلدەرى باردى.
وقيعا ورنىندا 40 قۇتقارۋشى، 10 بىرلىك تەحنيكا جۇمىس ىستەپ جاتىر. سونداي-اق قازا تاپقاندار مەن زارداپ شەككەندەردىڭ تۋىستارىنا كومەك كورسەتەتىن 3 پسيحولوگ تارتىلعان.
اقپاراتتىق جانە پسيحولوگيالىق قولداۋ كورسەتۋ ءۇشىن سەنىم تەلەفوندارى جۇمىس ىستەيدى: (8-7212) 49-72-70، 51-72-23.