قاراعاندى وبلىسىندا 2024 جىلدىڭ باسىنان بەرى مىڭنان استام مۇمكىندىگى شەكتەۋلى ازاماتتار جۇمىسپەن قامتىلدى. وبلىس اكىمى ەرماعانبەت بولەكپايەۆتىڭ باسشىلىعىمەن وتكىزىلگەن كەڭەستە وسى باعىتتا اتقارىلعان جۇمىستار مەن الداعى جوسپارلار تالقىلاندى، دەپ حابارلايدى aqshamnews.kz قاراعاندى وبلىسىنىڭ باسپا ءسوز قىزمەتىنە سىلتەمە جاساپ.
وبلىستا 55 مىڭعا جۋىق مۇمكىندىگى شەكتەۋلى ادام تۇرادى، ولاردىڭ جارتىسىنا جۋىعى ەڭبەككە جارامدى. قازىرگى ۋاقىتتا جۇمىس ىستەيتىندەر سانى 11 743 ادامدى قۇرايدى. وبلىس اكىمىنىڭ تاپسىرماسىنا سايكەس، جۇمىسقا مۇقتاج مۇگەدەكتەردىڭ سانىنا تالداۋ جۇرگىزىلىپ، ولاردىڭ بارلىعىنا كومەك كورسەتۋ مىندەتى قويىلدى.
مۇمكىندىگى شەكتەۋلى ادامداردى جۇمىسقا ورنالاستىرۋعا ارنالعان كۆوتا سانى ەكى ەسەگە ۇلعايتىلدى، بۇل 113-تەن 219-عا دەيىنگى جۇمىس ورىندارى. وسى كۆوتاعا سايكەس، ءبىرىنشى، ەكىنشى جانە ءۇشىنشى توپتاعى 134 مۇگەدەك ازامات جۇمىسقا ورنالاستى. جۇمىس بەرۋشىلەر ەستۋ قابىلەتى بۇزىلعان مۇگەدەكتەرگە ارنالعان 11 ارنايى جۇمىس ورنىن قۇردى.
سونىمەن قاتار، جۇمىسقا ورنالاستىرۋعا جاردەمدەسەتىن باعدارلامالار بەلسەندى تۇردە جۇزەگە اسىرىلۋدا، ونىڭ ىشىندە "كۇمىس جاس"، "العاشقى جۇمىس ورنى" جوبالارى، قوعامدىق جۇمىستار جانە جاستار پراكتيكاسى بار. مۇمكىندىگى شەكتەۋلى ازاماتتارعا ارنالعان لاۋازىمدار سپەكترى دە كەڭەيتىلدى، ونىڭ ىشىندە تازالاۋشىلاردان باستاپ بۋحگالتەرلەرگە دەيىنگى ماماندىقتار بار.
سونىمەن بىرگە، "Jumys Tap" الەۋمەتتىك جوباسى اياسىندا بارلىق نيەت بىلدىرۋشىلەرگە جاڭا ماماندىقتى تەگىن وقۋعا مۇمكىندىك بەرىلدى. قىسقا مەرزىمدى كۋرستارعا قابىلدانعانداردىڭ اراسىندا مۇمكىندىگى شەكتەۋلى ادامدار دا بار. ولار شاشتاراز، مانيكيۋر شەبەرى، اسپاز، بۋحگالتەر-كاسسير، باعدارلاماشى، تىگىنشى ماماندىقتارىن تاڭدادى.
وبلىس اكىمى ەرماعانبەت بولەكپايەۆ مۇگەدەكتەرگە ارنالعان تاعىلىمدامادان ءوتۋ باعدارلاماسىن ازىرلەۋدى قولدادى جانە جوو باعدارلامالارى بويىنشا كەزدەسۋلەر ۇيىمداستىرۋدى جوسپارلاۋدا.
"باستاۋ بيزنەس" جوباسى اياسىندا كاسىپكەرلىك نەگىزدەرىن ۇيرەنۋگە جانە گرانت الىپ، ءوز ءىسىن باستاۋعا مۇمكىندىك بەرىلدى.
وبلىس اكىمى ەرماعانبەت بولەكپايەۆ مۇمكىندىكتەردى بارىنشا پايدالانا وتىرىپ، اتقارىلعان جۇمىستاردى ودان ءارى كۇشەيتۋ قاجەتتىگىن اتاپ ءوتتى.
