مەملەكەت باسشىسىنىڭ جارلىعىمەن قاراعاندى وبلىسىنىڭ اكىمى بولىپ ەرماعانبەت بولەكپايەۆ تاعايىندالدى. بۇعان دەيىن ول قاراعاندى قالاسى اكىمى بولعان، دەپ حابارلايدى اlmaty-akshamy.kz.
قاراعاندى وبلىستىق ءماسليحاتىنىڭ وتىرىسىنا 200 دەپۋتاتتىڭ 178ء-ى قاتىستى. حالىق قالاۋلىلارىنىڭ 40-ى سەرجان ايماقوۆتىڭ، 138ء-ى ەرماعانبەت بولەكپايەۆتىڭ كانديداتۋراسىن جاقتاپ داۋىس بەردى.
«ەرماعانبەت قابدۇل ۇلى بولەكپايەۆ قاراعاندى وبلىسىنىڭ اكىمى بولىپ تاعايىندالسىن»، - دەلىنگەن جارلىق ماتىنىندە.
ەرماعانبەت بولەكپايەۆ 1975 جىلى 2 قىركۇيەكتە قاراعاندى وبلىسى، شەت اۋدانى، وسپەن اۋىلىندا دۇنيەگە كەلگەن. 1996 جىلى ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ ەكونوميكا فاكۋلتەتىن بىتىرگەن.
ەڭبەك جولىن 1996 جىلى «كازكوممەرسبانك» ااق تەمىرتاۋ فيليالىندا ەكونوميست بولىپ باستاعان. 1997 جىلدان 1998 جىلعا دەيىن استاناداعى «بيزنەس-ينفورم» اكو وكىلدىگىنىڭ ديرەكتورى قىزمەتىن اتقاردى. 1998 جىلدىڭ قاراشاسىندا يندۋستريا، ەنەرگەتيكا جانە ساۋدا مينيسترلىگىندە ەكسپورتتىق باقىلاۋ جانە ليسەنزيالاۋ دەپارتامەنتىنىڭ باس مامانى بولىپ جۇمىس ىستەي باستادى. 2002 جىلى وسى ۆەدومستۆو باستىعىنىڭ ورىنباسارى بولدى.
2006 جىلى پاۆلودار وبلىسى اكىمى اپپاراتى باسشىسىنىڭ ورىنباسارى، سودان كەيىن 2006 جىلدان 2008 جىلعا دەيىن پاۆلودار وبلىسى، پاۆلودار اۋدانىنىڭ اكىمى بولدى.
2008 جىلدان 2009 جىلعا دەيىن پاۆلودار وبلىسىنىڭ كاسىپكەرلىك جانە ونەركاسىپ باسقارماسىن باسقاردى.
ق ر مەملەكەتتىك قىزمەت ىستەرى اگەنتتىگىنىڭ قاراعاندى، وڭتۇستىك قازاقستان وبلىستارى جانە نۇر-سۇلتان قالاسى بويىنشا باسقارماسىنىڭ اۋماقتىق باسقارماسىنىڭ باستىعى - تارتىپتىك كەڭەسىنىڭ ءتوراعاسى قىزمەتىن اتقاردى
2013 جىلدان 2018 جىلعا دەيىن استاناداعى سارىارقا، الماتى جانە ەسىل اۋداندارىنىڭ اكىمى بولدى.
2018 جىلى قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك ينسپەكتورى بولىپ تاعايىندالدى.
2018 جىلدان 2020 جىلعا دەيىن قاراعاندى وبلىسى اكىمىنىڭ ورىنباسارى قىزمەتىن اتقاردى.
2020 جىلدىڭ قىركۇيەگىنەن باستاپ قاراعاندى قالاسىنىڭ اكىمى بولىپ تاعايىندالدى.