قازاقستان تجم بولىمشەلەرى پاۆلودار وبلىسىنىڭ اۋماعىنداعى دالا ءورتىن ءسوندىردى.
جاعدايدىڭ تۇراقتالۋىنا بايلانىستى باياناۋىل اۋدانى جەلتاۋ اۋىلىنىڭ ەۆاكۋاسيالانعان 18 تۇرعىنى ۇيلەرىنە ورالدى، دەپ حابارلايدى aqshamnews.kz تجم باسپا ءسوز قىزمەتىنە سىلتەمە جاساپ.
قاراعاندى وبلىسىنىڭ اۋماعىنداعى ءورت وقشاۋلاندى، ءورتتىڭ اۋدانى انىقتالۋدا.
قاتتى ەكپىندى جەل، رەلەفتى تاۋلى جانە باتپاقتى جەرلەر جانە ءورت وشاقتارىنا كىرمە جولداردىڭ بولماۋى ءورتتى ءسوندىرۋ جۇمىستارىن قيىنداتتى.
قازىرگى ۋاقىتتا قاراعاندى وبلىسىنىڭ اۋماعىنداعى ءورت وشاقتارى ءسوندىرۋ جۇمىستارى جەرۇستى جانە اۋە كولىگىمەن جۇرگىزۋ جۇمىستارى جالعاستىرىلۋدا.
قاراعاندى وبلىسىنىڭ ايىر جانە اتانتاي ەلدى مەكەندەرى اۋدانىنداعى ءورتتى سوندىرۋگە 2 جاۋىنگەرلىك ۋچاسكە انىقتالدى.
ق ر تجم كوماندالىق ورتالىعى مەن وبلىستاردىڭ تجد جەدەل شتابتار تاۋلىك بويى جۇمىس ىستەۋدە.
قازىرگى ۋاقىتتا ءورت ءسوندىرۋ جۇمىستارىنا 557 ادام مەن 88 بىرلىك تەحنيكا، 6 ۇشقىشسىز ۇشۋ اپپاراتى، ق ر تجم جانە ءىىم ۇۇ 4 اۋە كەمەسى جۇمىلدىرىلۋدا.
ءورتتى سوندىرۋگە قاراعاندى، اقمولا، اباي وبلىستارىنىڭ، استانا قالاسىنىڭ قۇتقارۋ توپتارى، تجم 52859، 68303 اسكەري بولىمدەرىنىڭ جانە جەرگىلىكتى اتقارۋشى ورگاندار قاتىسۋدا.
اۋە كەمەلەرى ءورت وشاقتارىنا بارلىعى 87 رەت 102-دەن استام توننا كولەمىندە سۋ توكتى. سونىمەن قاتار اەروۆيزۋالدى بارلاۋ جۇرگىزىلدى. ۇشۋ ناتيجەلەرى بويىنشا جاعداي تۇراقتى.
ەستەرىڭىزگە سالا كەتەيىك، ەكى وبلىس شەكاراسىندا ءورت شىققانى جايلى بۇعان دەيىن حابارلاعان بولاتىنبىز.
تابيعي ءورت كەزىندە قايعىلى جاعداي ورىن الدى. ءورت كەزىندە قىزمەتتىك مىندەتىن اتقارىپ ءجۇرىپ، قاراعاندىلىق قۇتقارۋشى قازا بولدى. تجم قازا تاپقان ءورت ءسوندىرۋشىنىڭ وتباسىنا جان-جاقتى كومەك پەن قولداۋ كورسەتەدى.