قاراعاندى فەرروقورىتپا زاۋىتىندا زارداپ شەككەن جۇمىسشىلاردىڭ ءبىرى اۋرۋحانادا قايتىس بولدى.
31 جاستاعى ەر ادامنىڭ دەنەسىن 85% كۇيىك شالعان، دەپ حابارلايدى almaty-akshamy.kz.
جەرگىلىكتى مامانداردان بولەك، استانا مەن رەسەيدەن كەلگەن دارىگەرلەر بارىن سالعانىمەن، جانىن امان ساقتاپ قالا المادى. قالعان 5 جۇمىسكەردىڭ جاعدايى ءالى دە اۋىر. تاعى ەكى ناۋقاس ينتەنسيۆتى تەراپيا بولىمىندە.
ەستەرىڭىزگە سالا كەتەيىك، قاراعاندىدا فەرروقورىتپا زاۋىتىندا پەشتەن كەنەتتەن جالىن شىققان بولاتىن.
ال كەشە قاراعاندى وبلىسى فەرروقورىتپا زاۋىتىندا بولعان توتەنشە جاعدايدىڭ ءمان-جايىن انىقتاۋ ءۇشىن ارنايى كوميسسيا قۇرىلعانىن حابارلاعان بولاتىنبىز.