قاراعاندى فارماسيەۆتيكالىق زاۋىتى «سپۋتنيك لايت» ۆاكسيناسىن شىعارادى

«سپۋتنيك لايت» قازاقستاندا وتكەن جىلى تىركەلگەن.

«قاراعاندى فارماسيەۆتيكالىق كەشەنى» ءبىر كومپونەنتتى «سپۋتنيك لايت» ۆاكسيناسىن ءوندىرۋدى باستايدى، دەپ حابارلايدى Almaty-akshamy.kz

گامالەيا اتىنداعى رەسەي عىلىمي-زەرتتەۋ ينستيتۋتىندا ريەۆاكسينالاۋ ءۇشىن جاسالعان پرەپاراتتىڭ دالەلدەنگەن تيىمدىلىگى 79،4% قۇرايدى.

اتالعان ۆاكسينانىڭ ۆاليداسيالىق پارتيالارى قفك-دا شىعارىلىپ، رەسەيگە ساپانى باقىلاۋعا جىبەرىلدى جانە قازاقستاندىق وندىرىستەگى پرەپاراتتى رف-دا تىركەۋ كۇتىلۋدە. ايتا كەتۋ كەرەك، ءدال وسى قفك قازاقستاندىقتاردى ۆاكسيناسيالاۋ ءۇشىن COVID-19 ۆيرۋسىنا قارسى العاشقى «سپۋتنيك V» پرەپاراتىن شىعارۋدى جولعا قويدى. 2021 جىلدىڭ اقپان ايىنان باستاپ پاندەميا كەزىندە ينفەكسيانىڭ تارالۋىنا قارسى كۇرەسۋ ءۇشىن ازاماتتىق اينالىمعا 7 ميلليون دوزا ۆاكسينا جىبەرىلدى.

كەلەسى قادام - حالىقتى قايتا ۆاكسينالاۋعا ارنالعان «سپۋتنيك لايت» ءبىر كومپونەنتتى پرەپاراتىن ءوندىرۋدى يگەرۋ. كوروناۆيرۋسقا قارسى ۆاكسينالاردان باسقا «قاراعاندى فارماسيەۆتيكالىق كەشەنى» ج ش س قاتەرلى ىسىك، گەموفيليا، سكلەروز، قانت ديابەتى جانە ورفاندىق اۋرۋلارعا قارسى تيىمدىلىگى جوعارى دارىلەردى شىعارۋعا ماماندانعان.

سونداي-اق، وتە سيرەك كەزدەسەتىن مۋكوپوليساحاريدوز، گوشە اۋرۋى، سيستيكالىق فيبروز جانە بۋللەزدى ەپيدەرموليز اۋرۋلارى بار ناۋقاستارعا ارنالعان پرەپاراتتار وندىرىلەدى. قفك قۋاتتىلىعى جىلىنا الەۋمەتتىك-ماڭىزدى پرەپاراتتاردىڭ 4 ملن قاپتاماسىن شىعارۋعا مۇمكىندىك بەرەدى.