قاراباتان زاۋىتىنا كىم يەلىك ەتەدى؟

«سامۇرىك-قازىنا» قورى قاشاعانداعى گاز وڭدەۋ زاۋىتىنىڭ قۇرىلىسى جوباسىن جۇزەگە اسىراتىن كومپانيانىڭ جاڭا يەسى بولدى.

بيىلعى 24 قاڭتاردان باستاپ «سامۇرىق-قازىنا» ۇلتتىق ءال-اۋقات قورى» اق قاشاعان كەن ورنىنداعى ىلەسپە مۇناي گازىن وڭدەۋگە ارنالعان (قاراباتان، اتىراۋ وبلىسى) قۋاتتىلىعى 1 ميلليارد تەكشە مەتر زاۋىت سالۋ جوباسىن جۇزەگە اسىرىپ جاتقان «GPC Investment» ج ش س جارعىلىق كاپيتالىنداعى 100 پايىزدىق ۇلەستىڭ يەسى اتاندى، دەپ حابارلايدى Almaty-akshamy.kz. 

«GPC Investment» ج ش س 2022 جىلدىڭ تامىزىندا QazaqGaz كومپانياسىنىڭ سەنىمگەرلىك باسقارۋىنا بەرىلدى. بۇعان دەيىن جەكەمەنشىك ج ش س قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ كۇيەۋ بالاسى «قازترانسگاز» كومپانياسىنىڭ بۇرىنعى باسشىسى قايرات شارىپبايەۆپەن ۇلەستەس بولعان.

ج ش س يەسىنىڭ وزگەرۋىمەن بيۋروكراتيالىق راسىمدەر، كەيىننەن باس مەردىگەردىڭ جوبانى جۇزەگە اسىرۋدان باس تارتۋى، جوبالاۋداعى انىقتالعان اقاۋ اتاۋلىنى جويۋ ماقساتىندا جوبالىق-سمەتالىق قۇجاتتاماعا تۇزەتۋلەر ەنگىزۋ جوبانى ىسكە اسىرۋ مەرزىمىن جوسپارداعى 2023 جىلدان الدىمەن 2025 جىلدىڭ 2 توقسانىنا دەيىن، ەندى 2026 جىلدىڭ ءبىرىنشى جارتى جىلدىعىنا اۋىسۋعا الىپ كەلدى.