ءقازىر نارىقتاعى جاعداي قۇبىلمالى سيپاتقا يە.
وپەك+ ۇيىمى مۇناي ءوندىرىسىنىڭ كولەمىن تاۋلىگىنە 100 مىڭ باررەلگە شەكتەگەن سوڭ، قارا التىن ارزانداي باستادى، دەپ حابارلايدى Almaty-akshamy.kz Inbusiness.kz سىلتەمە جاساپ.
بۇگىن نيۋ-يورك ساۋدا بيرجاسىندا امەريكالىق شيكىزاتتىڭ باررەلى 86 دوللار 36 سەنتكە ساۋدالانىپ جاتىر. ال Brent ماركالى ءونىم جارتى پايىزعا ارزانداپ، فيۋچەرسى 92-گە ءتۇستى. ءقازىر نارىقتاعى جاعداي قۇبىلمالى سيپاتقا يە. جۇڭگو قايتادان شەكتەۋلەردى كۇشەيتكەن سوڭ، سۇرانىس السىرەدى. ونىڭ ۇستىنە، اقش جانە ونىڭ وداقتاستارى رەسەي مۇنايىنىڭ شەكتى باعاسىن بەلگىلەپ، قىسىمدى كۇشەيتتى.
ازىرگە نارىققا مول ءونىم شىعارۋعا قاۋقارلى يرانعا قارسى شەكتەۋدىڭ الىناتىن ءتۇرى جوق. سەبەبى يادرولىق كەلىسىم جاساۋعا ارنالعان كەلىسسوزدەر تىم ۇزاققا سوزىلىپ كەتتى. ەسكە سالا كەتسەك، ترامپ بيلىكتە بولعاندا يسلام رەسپۋبليكاسىنا قارسى سانكسيا جاريالاپ، يران 1 ملن باررەل مۇنايىن ەكسپورتتاي الماي قالعان ەدى.