قار. تۇمان. كوكتايعاق

13 وڭىردە اۋا رايىنا بايلانىستى ەسكەرتۋ جاريالاندى

«قازگيدرومەت» رمك 9 اقپان كۇنى اۋا رايىنىڭ بۇزىلۋىنا بايلانىستى بىرنەشە وڭىردە ەسكەرتۋ جاريالادى، دەپ حابارلايدى almaty-akshamy.kz

قوستاناي وبلىسىنىڭ سولتۇستىگىندە جانە شىعىسىندا تۇمان كۇتىلەدى. تۇندە وبلىستىڭ شىعىسىندا جاياۋ بۇرقاسىن بولادى. وڭتۇستىك-شىعىستان جەل سوعادى، تۇندە شىعىستا ەكپىنى 15-20 م/س ارتادى.

اقمولا وبلىسىنىڭ سولتۇستىگىندە، شىعىسىندا تۇمان بولجانادى.

نۇر-سۇلتان قالاسىندا كەي ۋاقىتتا تۇمان كۇتىلەدى.

قىزىلوردا وبلىسىنىڭ سولتۇستىگىندە جانە ورتالىعىندا تۇمان بولادى.

كۇندىز باتىس قازاقستان وبلىسىنىڭ وڭتۇستىك-باتىسىندا، باتىسىندا جاياۋ بۇرقاسىن، كوكتايعاق بولجانادى. وبلىستىڭ سولتۇستىگىندە، شىعىسىندا، ورتالىعىندا تۇمان كۇتىلەدى. جەل وڭتۇستىك-شىعىستان سوعادى، كۇندىز باتىس، سولتۇستىك-باتىس، وڭتۇستىك اۋماقتاردا جەلدىڭ كۇشى 15-20 م/س ارتادى.

اقتوبە وبلىسىنىڭ سولتۇستىگىندە جانە وڭتۇستىك-شىعىسىندا تۇمان كۇتىلەدى.

الماتى وبلىسىندا: ىلە الاتاۋى، جەتىسۋ الاتاۋى، قىرعىز الاتاۋىندا كەي ۋاقىتتا تۇمان، كوكتايعاق بولادى. تالاس الاتاۋىندا تۇندە جانە تاڭەرتەڭ تۇمان بولجانادى. باتىس التايىندا كەي جەرلەردە قار، جاياۋ بۇرقاسىن كۇتىلەدى.

الماتى قالاسىندا كەي ۋاقىتتا تۇمان، كوكتايعاق بولادى.

تۇركىستان وبلىسىنىڭ وڭتۇستىگىندە، باتىسىندا، تاۋلى جانە تاۋ بوكتەرلى اۋدانداردا تۇمان كۇتىلەدى.

شىمكەنت قالاسىندا تۇندە جانە تاڭەرتەڭ تۇمان بولادى.

پاۆلودار وبلىسىنىڭ باتىسىندا، سولتۇستىگىندە تۇمان كۇتىلەدى.

جامبىل وبلىسىنىڭ سولتۇستىك-شىعىسىندا، وڭتۇستىك-باتىسىندا، تاۋلى اۋداندارىندا تۇمان، كوكتايعاق بولجانادى. سولتۇستىك-شىعىستان جەل سوعادى، وبلىستىڭ سولتۇستىك-شىعىسىندا جانە تاۋلى اۋداندارىندا جەلدىڭ ەكپىنى 15-20 م/س ارتادى.

قاراعاندى وبلىسىنىڭ سولتۇستىگىندە، شىعىسىندا تۇمان بولادى.