ابىلاي حان داڭعىلى، 59/61 ۇيىندەگى مۋرالدى اۋىستىرۋعا قاتىستى قالالىق جوسپارلاۋ جانە ۋربانيستيكا باسقارماسىنىڭ تۇسىنىكتەمەسى
قالالىق جوسپارلاۋ جانە ۋربانيستيكا باسقارماسى (بۇدان ءارى – باسقارما) ابىلاي حان داڭعىلى، 59/61 مەكەنجايىنداعى تۇرعىن ءۇيدىڭ قاسبەتىندەگى قار بارىسى مۋرالىن جارنامالىق مۋرالعا اۋىستىرۋعا ونىڭ تۇرعىندارىمەن كەلىسكەننەن كەيىن وسى ءۇيدىڭ "ورمان" تپيك باستاماشىسى بولعانىن حابارلايدى ("ورمان" تپيك اقپاراتى بويىنشا).
ۇيگە جارنامالىق كەسكىن سۋرەت سالۋعا تەك يەلەرىنىڭ قۇقىعى بار ەكەنىن ايتقان ءجون.
2023 جىلدىڭ 5 مامىرىندا باسقارما 70 شارشى مەترلىك جارنامالىق مۋرالدى ورنالاستىرۋ تۋرالى حابارلامانى تىركەدى. بۇل جارنامانى زاڭداستىرۋ ءۇشىن تاپسىرىس بەرۋشى كومپانيا باسقارماعا بارلىق قاجەتتى قۇجاتىن ۇسىندى.
حابارلامانى تىركەۋدەن باس تارتۋعا نەگىز بولعان جوق، سەبەبى ەسكيز قازاقستان رەسپۋبليكاسىنىڭ جارناما سالاسىنداعى زاڭنامانىڭ تالاپتارىنا تولىق ساي.