الماتى قالاسىنىڭ قىلمىستىق-اتقارۋ جۇيەسى دەپارتامەنتىنە قاراستى №11 مەكەمەسىندە كامەلەتكە تولماعان جازاسىن وتەۋشى جاسوسپىرىمدەرمەن «قاقپا الدىندا كەزدەسۋ» جوباسى اياسىندا قالالىق ەڭبەك موبيلدىگى ورتالىعىنىڭ وكىلدەرى نازگۇل سايىن قىزى مەن رايىمبەك قانات ۇلى كەزدەسۋ وتكىزدى.
بيىل جىل باسىنان بەرى اتالعان مەكەمەدە جازاسىن وتەگەن 4 بوزبالا باس بوستاندىعىنان ايىرىلعان مەرزىمى اياقتالىپ، بوساتىلدى. ولارعا «قاقپا الدىنداعى كەزدەسۋ» جوبا اياسىندا كومەك كورسەتىلەتىنى تولىق تۇسىندىرىلگەن.
قازىرگى ۋاقىتتا قىلمىستىق-اتقارۋ جۇيەسى مەكەمەلەرىنەن بوساتىلعان ادامداردى الەۋمەتتەندىرۋ، قىلمىستىڭ قايتالانباۋىن بولدىرماۋ ءۇشىن جۇيەلى ءىس-شارالار قولعا الىنعان.
مانساپ وراتالىعىنىڭ ادامداردىڭ جەكەلەنگەن ساناتتارىمەن جۇمىس جونىندەگى ءبولىم مامانى نازگۇل سارسەبايەۆا بوساتىلعان سوتتالعاندارعا قىسقا مەرزىمدى كاسىپتىك ءبىلىم الۋعا، تۇراقتى جۇمىس تابۋعا بولاتىنى جانە الەۋمەتتىك كومەك كورسەتىلەتىنى تۋرالى جان-جاقتى ءتۇسىندىردى.
ال جۇمىس ىزدەنۋشىلەر ءبولىمىنىڭ مامانى رايىمبەك قانات ۇلى جازاسىن وتەپ شىقان سوتتالعان جاسوسپىرىمدەرگە الەۋمەتتىك بەيىمدەۋ باعدارلاماسىن ءتۇسىندىرىپ ءوتتى. الەۋمەتتىك جاعدايى تومەن جۇمىسسىز جاستارعا قوعامدا ءوز ورنىن تاۋىپ كەتۋىنە كومەك كورسەتىلەتىنى جايىندا ايتىلدى.