قاپشاعاي سۋ قويماسىنداعى ءۇش قىزدى قۇتقارعان ازامات "سۋعا باتقانداردى قۇتقارعانى ءۇشىن" مەدالىمەن ماراپاتتالدى، دەپ حابارلايدى Almaty-akshamy.kz الماتى وبلىسى تجد باسپا ءسوز قىزمەتىنە سىلتەمە جاساپ.
قاپشاعاي سۋ قويماسىنداعى ءۇش قىزدى قۇتقارۋ كەزىندە 2022 جىلعى 29 شىلدە كۇنى كورسەتكەن ەرلىگى، باتىلدىعى جانە جانقيارلىعى ءۇشىن قازاقستان رەسپۋبليكاسى توتەنشە جاعدايلار ءمينيسترىنىڭ بۇيرىعىمەن ازامات الەكساندر ۆلاديميروۆيچ انانييەۆ كونستيتۋسيا كۇنىنە ارنالعان سالتاناتتى ءىس-شارادا الماتى وبلىسى توتەنشە جاعدايلار دەپارتامەنتى جانە ءورت ءسوندىرۋ قىزمەتى جەكە قۇرامىنىڭ سالتاناتتى سابىنىڭ الدىندا "سۋعا باتقانداردى قۇتقارعانى ءۇشىن" مەدالىمەن ماراپاتتالدى.
ەستەرىڭىزگە سالا كەتەيىك، ونىڭ ەرلىگى تۋرالى بلوگەر الەكساندر سويدىڭ Instagram پاراقشاسىندا جاريالاندى.
وسى جىلدىڭ 17 شىلدەسىندە الەكساندر دەمالىس ايماعىندا بالالارىمەن جانە نەمەرەلەرىمەن دەمالىستا بولعان ساتىندە سۋعا باتىپ بارا جاتقان قىزداردى قۇتقاردى.
ونىڭ قامقورلىعىنىڭ ارقاسىندا قىزداردىڭ ءومىرى قۇتقارىلدى. جاقسى ىستەر ەشقاشان ماراپاتتالۋدان جانە نازاردان تىس قالماۋ كەرەك.