«قاڭتاردا» قيراعان عيماراتتار قاشان قالپىنا كەلتىرىلەدى؟

بۇل تۋرالى رومان سكليار ايتتى.

ونىڭ ايتۋىنشا، قاڭتار وقيعاسى كەزىندە ەلىمىزدىڭ سەگىز وبلىسىنداعى 42 قوعامدىق عيمارات بۇلىنگەن، دەپ حابارلايدى Almaty-akshamy.kz

«سونىڭ ءبىرى – الماتىداعى پرەزيدەنت رەزيدەنسياسى. وزدەرىڭىز بىلەتىندەي، بۇل نىساندى بۇزۋ تۋرالى شەشىم قابىلدانعان. بۇگىندە 41 نىسانعا 31 ميلليارد 100 ميلليون تەڭگە ءبولىندى. 37 نىسان قالپىنا كەلتىرىلدى. وسى ايدا جەتىسۋ وبلىسى اكىمدىگىنىڭ عيماراتىن قالپىنا كەلتىرۋ جۇمىسى اياقتالادى، ناۋرىز ايىندا الماتىداعى باس پروكۋراتۋرانىڭ قۇقىقتىق ستاتيستيكا جانە اقپارات ورتالىعىنىڭ عيماراتى مەن قاتتى بۇلىنگەن الماتى قالاسى اكىمدىگىنىڭ عيماراتى قالپىنا كەلتىرىلەدى. ونى قايتا قالپىنا كەلتىرۋ جۇمىسى وسى جىلدىڭ ەكىنشى توقسانىندا اياقتالادى»، - دەدى ول.

ونىڭ سوزىنشە، الماتىداعى تەلەراديوكەشەندى قالپىنا كەلتىرۋ مۇمكىن بولماعاندىقتان، بۇزۋ جونىندە شەشىم قابىلداندى.

سونداي-اق پرەمەر-مينيستردىڭ ءبىرىنشى ورىنباسارى 350 كوممەرسيالىق نىساننىڭ بۇلىنگەنىن ايتتى.

«بۇگىندە ونىڭ ءبارى قالپىنا كەلتىرىلدى. 1789 كاسىپكەرلىك سۋبەكتىسى كەلتىرىلگەن زالالدى تىكەلەي وتەۋگە ءوتىنىش ءبىلدىردى، شاعىن جانە ورتا بيزنەس سۋبەكتىلەرىنە 16 ميلليارد 700 ميلليون تەڭگە تولىق كولەمدە وتەلدى»، - دەدى رومان سكليار.

باس پروكۋرور بەرىك اسىلوۆ ءماسىموۆ ۇقك عيماراتتارىن تاستاپ كەتۋ جونىندە بۇيرىق بەرگەنىن ايتتى.