كەشە باگەر ستانسياسىن سۋ باسىپ قالعان.
وسىنىڭ كەسىرىنەن قازاندىقتاردى قىزدىراتىن مازۋتقا سۋ ارالاسىپ كەتكەن. دەگەنمەن جىلىتۋ ورتالىعىندا جۇمىس ىستەپ جاتقان مەردىگەرلەر مازۋتتى سورىپ الىپ، بارلىق اگرەگاتتىڭ جۇمىسىن قالپىنا كەلتىرگەن، دەپ حابارلايدى Almaty-akshamy.kz.
شاھار اكىمىنىڭ ايتۋىنشا، بۇل جولى اپاتقا جىلىتۋ ورتالىعى باسشىلىعىنىڭ نەمقۇرايلىعى سەبەپ. ءدال وسىنداي جاعداي بىلتىر قاراشانىڭ بەسىندە بولعان. كەشەدەن بەرى باگەر ستانسياسىندا بولعان اپاتتى جويۋ جۇمىستارى جۇرگىزىلىپ جاتىر. ول ءۇشىن 4 موتوپومپا، 4 سۋاستى سورعىلارى ىسكە قوسىلعان.
«ريددەر تۇرعىندارىنا ايتارىم - بولعان جاعداي ستانسيانىڭ جۇمىسىنا اسەر ەتپەيدى. الاڭداۋعا ەشقانداي سەبەپ جوق. رەزەرۆتىك جابدىق قوسىلعان. جىلۋ ەلەكتر ورتالىعىنان جىلۋ بەرۋ كەستە بويىنشا جۇرگىزىلەدى. شتاب ماماندارى وقيعانىڭ سەبەپتەرىن انىقتايتىن بولادى»، - دەدى ريددەر قالاسىنىڭ اكىمى دميتريي گوركوۆوي.