بۇل بىلتىرعىمەن سالىستىرعاندا 289 ملرد تەڭگەگە ارتىق.
بيىلعى قاڭتاردا مەملەكەتتىك بيۋدجەت بويىنشا كىرىستەر 1 733 ملرد تەڭگە بولدى، دەپ حابارلايدى Almaty-akshamy.kz ۇلتتىق ەكونوميكا مينيسترلىگىنە سىلتەمە جاساپ.
كىرىستەردىڭ ءوسۋى سالىق تۇسىمدەرىنىڭ وڭ ديناميكاسىمەن قامتاماسىز ەتىلدى (+348،2 ملرد تەڭگە). وسى تۇستا ترانسفەرتتەر تۇسىمدەرى 67 ملرد تەڭگەگە نەمەسە 22،2%-عا ازايعان.
"2023 جىلعى قاڭتاردا سالىق تۇسىمدەرىنىڭ قۇرىلىمىندا ەڭ ۇلكەن ءوسىم كورسەتىلدى:
قوسىمشا قۇن سالىعى – 111،7 ملرد تەڭگەگە ءوسىم (59،9%)؛
كورپوراتيۆتىك تابىس سالىعى – 131،3 ملرد تەڭگەگە ءوسىم (26%)؛
جەكە تابىس سالىعى – 27،2 ملرد تەڭگەگە ءوسىم (24،4%)؛
شيكى مۇنايعا اكەتىلەتىن كەدەندىك باجدار – 1،7 ملرد. تەڭگەگە ءوسىم (1،2%)"، - دەلىنگەن حابارلامادا.
مينيسترلىكتىڭ مالىمەتىنشە، 2023 جىلدىڭ قاڭتار ايىنىڭ قورىتىندىسى بويىنشا مەملەكەتتىك بيۋدجەت بالانسى 122،5 ملرد تەڭگە پروفيسيتپەن قالىپتاستى. وعان قاراماستان وتكەن جىلدىڭ سايكەس كەزەڭىنە قاراعاندا پروفيسيت نومينالدى ماندە 77،3 ملرد. تەڭگەگە نەمەسە 38،7 پايىزعا ازايدى.