قاڭتار وقيعاسى كەزىندە الماتى قالاسىنداعى جاپپاي تارتىپسىزدىكتەرگە 12 ۇيىمداسقان قىلمىستىق توپ قاتىسقان - باس پروكۋراتۋرا
ق ر باس پروكۋراتۋراسىنىڭ 1 قىزمەت باستىعىنىڭ ورىنباسارى ەلدوس قيلىمجانوۆ قاڭتار وقيعاسىندا الماتىدا قازا تاپقان سنايپەردىڭ كىم ەكەنى ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«5 قاڭتار كۇنى اتىراۋ وبلىسىندا قىلمىسكەرلەر پوليسيا قىزمەتكەرلەرى مەن اسكەريلەرگە قاتىستى زورلىق-زومبىلىق كورسەتۋ ارقىلى اكىمدىك عيماراتىن قيراتتى. پوليسيا قىزمەتكەرلەرىنىڭ كوپشىلىگى اۋىر دەنە جاراقاتتارىن السا دا، سوڭىنا دەيىن قارۋدى قولدانعان جوق. بىرنەشە رەت اۋاعا اتىپ، ادام ومىرىنە ءقاۋىپ تونگەن سوڭ پوليسيا قىزمەتكەرلەرى قارۋدى قولداندى. ناتيجەسىندە ءبىر سنايپەر قازا بولدى»، - دەدى ول ورتالىق كوممۋنيكاسيالار قىزمەتىندە وتكەن بريفينگىدە.
سونداي-اق تارتىپسىزدىكتەر كەزىندە وق اتقان كۇدىكتىلەر تۋرالى مالىمەت ايتتى.
«انايى پروكۋرورلار جۇرگىزىلگەن سوت مولەكۋليارلىق گەنەتيكالىق ساراپتاما ناتيجەلەرىمەن الماتى قالاسىندا قازا تاپقان سنايپەردىڭ جەكە باسى انىقتالدى. بارلىعى 4 وق اتۋشى بولدى. قازا تاپقاننىڭ دەنەسىن جاقتاستارى وزدەرىمەن بىرگە الىپ، قالالىق اۋرۋحانا ماڭىندا قالدىرىپ كەتكەن. كەيىن ول قالالىق ءمايىتحانادا انىقتالدى. ول «س» ەسىمدى ازامات بولىپ شىقتى. «قايعىلى قاڭتار» وقيعالارى كەزىندە ول تۇرعىن ءۇيدىڭ توبەسىندە ورنالاسىپ، الماتى قالاسى پوليسيا دەپارتامەنتىنىڭ قىزمەتكەرلەرىن كوزدەپ وق اتقان. قازىرگى تاڭدا قالعان 3 تەرروريستى انىقتاۋ بويىنشا جەدەل ىزدەستىرۋ شارالارى جۇرگىزىلۋدە»، - دەدى ەلدوس قيلىمجانوۆ.