قاڭتار وقيعاسى جالپى، تاۋەلسىز قازاقستان تاريحىنداعى ەڭ اۋىر، قاندى وقيعا بولعانى بەلگىلى. اشۋ-ىزاعا بۋلىققان جاستارىمىز ميلليونداعان قاراپاي̆ىم حالىقتىڭ تۇرمىسىنداعى ءادىلەتسىزدىك نەگىزىندە پاي̆دا بولعان تاۋقىمەتتەرگە قارسى كوشەگە شىقتى. جۇمىسى جوق، جاعداي̆ى جوق جاستار ادىلەتسىزدىكتىڭ قۇربانى بولدى. وكىنىشكە وراي̆، وسى تۇستا قىلمىسكەرلەر مەن ديسسكرۋءتيۆتى ءدىني ۇعىم وكىلدەرى قازاقستاندا بيلىكتى توڭكەرىپ، قولعا الماق بولعان كۇشتەر جاستاردى پاي̆دالانىپ كەتتى. الەۋمەتتىك ماسەلەلەر جاستاردى ساياسي ماي̆دانعا قاراي̆ باعىتتاپ جىبەردى. ءسوي̆ءتىپ، ولاردىڭ الدىنا شىعىپ، ۇرانداپ، توناۋعا، ۇرلاۋعا، مەملەكەتتىك مەكەمەلەردى قيراتۋعا قاراي̆ بۇرىپ اكەتتى. سونىڭ ناتيجەسىندە قوزعالىسقا قاتىسقان جاستار سول قىلمىستىق توپتىڭ، ساياسي ماقساتتى كوز- دەگەن توپتاردىڭ قۇربانىنا اي̆نالىپ شىعا كەلدى.
بۇل، ارينە، وتە وكىنىشتى جاعداي̆ بولدى. مىنەكي، بۇدان قانداي̆ قورىتىندى شىعارامىز؟ باي̆ىرعى بابامىزدىڭ «اشۋ دۇشپان، اقىل دوس» دەگەن ءسوزىن العا تارتقىم كەلەدى. اشۋ ۇستىندە ىستەلگەن ارەكەت ەش ۋاقىتتا ءادىلەتكە جەتكىزبەي̆ءدى. ءوي̆تكەنى، ادام اشۋ ۇستىندە ءتۇرلى قىلمىسقا بارادى. الماتىداعى مەملەكەتتىك مەكەمەلەردى تالقانداۋ كەشىرىلمەس قىلمىسقا اي̆نالدى. ونى تالقانداعاندا نە ۇتتىق؟ نە پاي̆دا ءتۇستى؟ اي̆نالىپ كەلگەندە ءوزىمىزدىڭ مەملەكەتىمىزدى السىرەتتىك. تالقانداۋ ارقىلى ەكونوميكامىزدى بەلگىلى ءبىر دەڭگەي̆گە شەگەردىك. ال ەكونوميكا بولماسا، مەملەكەت بولماسا، حالىقتىڭ نە كەرەگى بولادى. ول حالىق پەن مەملەكەت ءبىر ۇعىم. مەملەكەتتى قيراتساڭ حالىق، حالىقتى قىرساڭ مەملەكەت قۇريدى.
مىنەكي، وسىنداي̆ وكىنىشتى وقيعادان سوڭ بۇل وقيعاعا جالپى حالىق بولىپ، قازاقستان بيلىگى بولىپ باعا بەرىپ جاتىرمىز. كەشە تالقاندالعان، ورتەنگەن الماتى قالاسى اكىمشىلىگىنىڭ الدىنا قاڭتار وقيعاسىنا ارنالعان «تاعزىم» دەگەن اللەيا اشىلدى. ءوز باسىم بۇعان ريزا بولىپ وتىرمىن. ءوي̆تكەنى، مۇنداي̆ قاندى وقيعانىڭ ءىزى تاريحتا قالۋى كەرەك. قاندى قىرعىندا ادام شىعىنى كوپ بولدى. سوندىقتان «تاعزىم» اللەياسى قۇرباندارعا قوي̆ىلعان حالىقتىڭ ەسكە الۋى بولدى دەپ وي̆لاي̆مىن. ەندى ەشقاشان قاڭتار وقيعاسى قاي̆تالانباعاي̆، اعاي̆ىن! ءوي̆تكەنى، قاڭتاردا اتىلعان وق مەملەكەتكە، ءبارىمىزدىڭ جۇرەگىمىزگە تيگەن وق بولدى.
مىنە، باسشىمىز بوپ، قوسشىمىز بوپ ادىلەتتى قازاقستان قۇرۋعا بەت الدىق. ءادىلەتتى قازاقستان – ءبىزدىڭ، ءبىزدىڭ بالا-شاعامىزدىڭ بولاشاعى. بارشامىز ادىلەتتى قازاقستاننىڭ قالىپتاسۋىنا ءبىر اتانىڭ بالاسىنداي̆ اتسالىساي̆ىق!