جۇرەكتى سىزداتقان قاڭتار وقيعاسىنا دا جىل تولىپ قالدى. جۇرتشىلىقتىڭ جانىن جۇدەتكەن قارالى كۇندەردىڭ قالىڭ تۇمانى ءالى دە تولىق سەي̆ىلە قوي̆عان جوق، ارينە. ساناعا تۇسكەن اۋىر سال ماقتى جەڭىلدەتۋ جولىندا ەل بولىپ، قوعام بولىپ اتقاراتىن جۇمىستار ءالى دە از ەمەس...
بۇگىنگى قازاقستان رەسپۋبليكاسىنىڭ پرەزيدەنتى كەلىپ اشقان الماتى قالاسىنداعى «تاعزىم مەموريالى» وسى ارناداعى يگىلىكتى ءىستىڭ ءبىر پاراسى ىسپەتتەس.
ءبىر جاعىنان قاراعاندا تىم قاراپاي̆ىم، ەكىنشى جاعىنان اسا كۇردەلى بولىپ كورىنەتىن كومپوزيسيالىق كەشەننىڭ، ءبىزدىڭ وي̆ىمىزشا، ەكى ۇلكەن مازمۇندىق ارناسى بار سياقتى.
بىرىنشىدەن، بۇل – كەشەگى تەڭدىك سۇراپ، الەۋمەتتىك ادىلەت ىزدەپ الاڭعا شىققان، سول جولدا ارانداتۋشىلاردىڭ سۋىق قولىنان قازا بولعان بوزداقتاردىڭ رۋحىنا تاعزىم.
ەكىنشىدەن، بۇل – حالىقتىڭ بەرەكەسىن قاشىرىپ، جۇرتتىڭ ىشىنە الاۋىزدىق تۋعىزعان، الەۋمەتتىك كيكىلجىڭدى قاندى قاسىرەتكە دەي̆ءىن جەتكىزگەن توتەنشە جوي̆قىن وقيعادان الاتىن تاعىلىم.
مەموريالدىڭ اۆتورلارى وسى ەكى يدەيانى استاستىرا تۇتاستىرىپ، تالىم-تاربيەلىك ۇستىنى بەرىك، حالقىمىزدىڭ ءداستۇرلى دۇنيەتانىمى مەن بۇگىنگى زاماناۋي ماقسات-مۇراتىمەن ۇشتاستىراتىن تاماشا استارلى ءمانى بار كومپوزيسيا قۇراستىرا بىلگەن.
ماسەلەن، ەسكەرتكىش-تاقتالاردىڭ تابانىنداعى سۋ بەي̆نەسى – ءومىردىڭ، ماڭگىلىكتىڭ سيمۆولى. ال اق، قارا تۇستەس ءمارمار تاستاردىڭ قاتارلاسىپ، الماسىپ كەلىپ وتىرۋى – قاي̆عى مەن قۋانىشتىڭ، جاقسىلىق پەن جاماندىقتىڭ، ەسكى مەن جاڭانىڭ قاباتتاسىپ كەلىپ وتىراتىن تىرشىلىك زاڭدىلىعىن بىلدىرسە كەرەك. مەموريالداعى اق تاستاردىڭ اسقاق، بيىك جانە قارا تاستارعا قاراعاندا الدەقاي̆دا كوپتىگى – ەلىمىزدىڭ رۋحىنىڭ بيىكتىگىن، بولاشاققا ۇمتىلعان ارمان-مۇراتىنىڭ كىرشىكسىز تازالىعىن، ەرتەڭىنىڭ اشىق-جارقىن ەكەندىگىن بەي̆نەلەپ تۇرعانداي̆.
ءدال سول اق تاقتالارعا جازىلعان ۇلى بابالارىمىزدىڭ اسىل سوزدەرى تاريحتىڭ تەرەڭ تاعىلىمىنا بوي̆لاتادى. ول جازبالار جاس ۇرپاققا:
«بەرەكە مەن بىرلىك – سابىر مەن ءتوزىم ارقىلى باياندى!»،
«قازاقتىڭ ماڭگىلىگى – ىنتىماعى
مەن تۇتاستىعىندا».
«ءبىر كۇندىك ارەكەت مىڭ كۇندىك بەرەكەنى تاس-تالقان ەتەتىندىگىن ەستەرىڭنەن شىعارماڭدار!»
دەپ وسيەت اي̆تىپ تۇرعانداي̆.
بۇگىن عانا اشىلعان «تاعزىم مەموريالى» تاۋەلسىزدىك جىلدارىنداعى تالاي̆ ءدۇبىرلى وقيعالاردىڭ كۋاسى بولعان الماتى ورتالىعىنداعى تاريحي الاڭمەن تابيعي ءۇي̆لەسىپ، كەلەشەككە عيبرات اي̆تىپ تۇراتىن قاستەرلى ورىنعا اي̆نالادى دەپ سەنەمىز!