كۇزدە وتەتىن پرەزيدەنت سايلاۋى قاڭتار وقيعاسىنان كەيىنگى ءبىرىنشى ماڭىزدى ساياسي ناۋقان بولماق.
بۇل جايلى اقش تاعى ورتالىق ازيا ىستەرى جونىندەگى Oxus Society قوعامداستىعىنىڭ پرەزيدەنتى ەدۆارد لەمون مالىمدەدى، دەپ حابارلايدى Almaty-akshamy.kz.
سونداي-اق ساراپشى پرەزيدەنت وكىلەتتىگى مەرزىمىنىڭ سانىن قىسقارتۋ حالىق سەنىمىنە يە بولۋ ءۇشىن اسا قاجەت قادام دەيدى. قاۋىمداستىق پرەزيدەنتى قاڭتار وقيعاسىنا قاتىسقاندارعا ءبىر رەتتىك راقىمشىلىق جاساۋ بويىنشا دا پىكىرىن ءبىلدىردى.
«بۇل - وتە ماڭىزدى قادام. قاڭتار وقيعاسى كەزىندە حالىق ەلدەگى الەۋمەتتىك ماسەلەلەرگە قاتىستى ۇكىمەتكە ءۇنىن ەستىرتۋ ءۇشىن بەيبىت شەرۋگە شىقتى. وكىنىشكە وراي، شەرۋ سوڭى بۇزاقىلىققا ۇلاسىپ، كوپ ادام قامالدى. قاڭتار وقيعاسىنا نە سەبەپ بولعانى ءالى دە تەرەڭ زەردەلەنۋى ءتيىس. وسى ورايدا، پرەزيدەنتتىڭ مالىمدەمەسى وتە دۇرىس شەشىم بولدى دەپ ويلايمىن»،- دەيدى Oxus Society ۇيىمىنىڭ پرەزيدەنتى ەدۆارد لەمون.