مەملەكەت قارالى شاڭىراقتاردى قاراۋسىز قالدىرمايدى
ق ر پرەزيدەنتى قاسىم-جومارت توقايەۆ قاڭتار وقيعاسىنان قايتىس بولعان ازاماتتاردىڭ وتباسىلارىنا قارجىلاي كومەك كورسەتۋدى تاپسىردى، دەپ حابارلايدى Almaty-akshamy.kz.
بۇل تۋرالى ق ر پرەزيدەنتى قاسىم-جومارت توقايەۆ قاڭتار وقيعاسى كەزىندە قايتىس بولعان ازاماتتاردىڭ رۋحىنا قۇران باعىشتاۋ راسىمىندە ايتتى.
«سول قاسىرەتتى وقيعادان بەرى 40 كۇن ءوتتى. بۇگىن مارقۇمداردىڭ رۋحىنا قۇران باعىشتاۋ ءۇشىن مەشىتكە ارنايى كەلدىم. قازا بولعان ادامداردىڭ جاقىندارىنا تاعى دا كوڭىل ايتامىن. مەملەكەت قارالى شاڭىراقتاردى قاراۋسىز قالدىرمايدى. مەن قايتىس بولعان ازاماتتاردىڭ وتباسىلارىنا قارجىلاي كومەك كورسەتۋدى تاپسىردىم»، – دەدى پرەزيدەنت.
قاسىم-جومارت توقايەۆ «قازاقستان حالقىنا» قورى دا وسى قايىرىمدىلىق جۇمىسقا اتسالىسادى دەپ ويلايتىنىن، ەندى حالقىمىزدىڭ تىنىشتىعىن بۇزۋعا جول بەرىلمەيتىنىن جەتكىزدى.