15 مامىردا وتكەن ءماجىلىستىڭ جالپى وتىرىسىندا ۇقك ءتوراعاسىنىڭ ورىنباسارى مارات كولقوبايەۆ قاڭتار وقيعاسىنان كەيىن كوميتەتتە قانداي جۇمىستار اتقارىلعانىن ايتتى، دەپ حابارلايدى Almaty-akshamy.kz Zakon.kz-كە سىلتەمە جاساپ.
مارات كولقوبايەۆتىڭ ايتۋىنشا، قىلمىستىق جاۋاپكەرشىلىككە ءبىرقاتار قىزمەتكەرلەر تارتىلعان.
"بۇگىنگى تاڭدا ۇقك 11 قىزمەتكەردى قىلمىستىق جاۋاپكەرشىلىككە تارتىپ جاتىر. ءبىراق كەيبىر ىستەر بويىنشا تەرگەۋ اياقتالدى. ولار قىلمىستىق جاۋاپكەرشىلىككە تارتىلدى. بۇل قىلمىستىق قۋدالاۋ تۋرالى. وسىمەن قاتار ۇقك دەرەۋ اۋقىمدى قىزمەتتىك تەرگەۋ جۇرگىزدى. تارتىپتىك تالاپتار مەن قىزمەت تارتىبىنە، ونىڭ ىشىندە لاۋازىمدى تۇلعالاردىڭ جاۋاپكەرشىلىگىنە بايلانىستى كۇردەلى وزگەرىستەر ەنگىزىلدى"، - دەدى مارات كولقوبايەۆ
وتىرىستا دەپۋتاتتار ۇلتتىق قاۋىپسىزدىكتى قامتاماسىز ەتۋ جانە قازاقستان رەسپۋبليكاسىنىڭ ارناۋلى مەملەكەتتىك ورگاندارىندا قىزمەت وتكەرۋ تۋرالى زاڭ جوباسىن قاراپ جاتىر. ال بۇل قۇجات، مارات كولقوبايەۆتىڭ ايتۋىنشا، سونىمەن بىرگە ءاربىر شەنەۋنىكتىڭ ىس-ارەكەتىنىڭ بەلگىلى ءبىر الگوريتمى مەن پاتريوتتىق سەزىمىن وياتۋعا باعىتتالعان.
"بۇگىنگى كۇنى بىزدە ۇلكەن قىزمەت بار. اسكەري قىزمەتكەرلەر دە، ارناۋلى مەملەكەتتىك ورگانداردىڭ قىزمەتكەرلەرى دە بار. ءار ادامنىڭ بەلگىلى ءبىر ارەكەت الگوريتمى بار، ول مىندەتتى تۇردە زاڭعا ساي بولۋى كەرەك"، - مارات كولقوبايەۆ
بۇعان دەيىن باس پروكۋراتۋرا قازاقستانداعى قاڭتارداعى تارتىپسىزدىكتەر مەن ودان كەيىنگى مەملەكەتتىك توڭكەرىس ارەكەتى مۇقيات جوسپارلانعانىن حابارلاعان. ساياساتتانۋشى، ۇلتتىق قۇرىلتايدىڭ مۇشەسى قازبەك مايگەلدينوۆ بۇل جاعداي بۇرىنعى ۇقك باسشىلىعىنىڭ بىلگەنى ابدەن مۇمكىن دەپ ەسەپتەيدى.
24 ساۋىردە سوت ق ر ۇقك ەكس-توراعاسى كارىم ماسىموۆكە قاتىستى ۇكىم شىعاردى.