قاڭتار وقيعاسىنا قاتىستى 627 كۇدىكتى قاماۋدا وتىر

قاڭتار وقيعاسىنا قاتىستى 627 كۇدىكتى قاماۋدا وتىر Inform.kz

قاڭتار وقيعاسىنا قاتىستى سوت سانكسيالارىمەن 627 كۇدىكتى ادام قاماۋدا وتىر. بۇل تۋرالى ورتالىق كوممۋنيكاسيالار قىزمەتىندە ق ر باس پروكۋراتۋراسى 1-قىزمەت باستىعىنىڭ ورىنباسارى ەلدوس قيلىمجانوۆ ايتتى، دەپ حابارلايدى اlmaty-akshamy.kz.



«باس پروكۋراتۋرا قاڭتار وقيعالارىنا بايلانىستى قىلمىستىق ىستەردىڭ تەرگەلۋ بارىسى تۋرالى حابارلايدى. بۇلتارتپاۋ شارالاردى جەڭىلدەتۋ بويىنشا توقتالساق، بۇگىنگى كۇنى تەرگەۋ ورگاندارىنىڭ ءىس جۇرگىزۋىندە اتالعان ساناتتا 4 849 ءىس بار. سوت سانكسيالارىمەن 627 كۇدىكتى ادام قاماۋدا. ءبىز بۇعان دەيىن قولدانىلعان بۇلتارتپاۋ شارالارىن جەڭىلدەتۋ بويىنشا جۇمىستاردى جۇرگىزىپ جاتىرمىز»، - دەدى ە. قيلىمجانوۆ.



ونىڭ ايتۋىنشا، جەكە باسىن، دەنساۋلىق جاعدايىن جانە باسقا دا سيپاتتايتىن جاعدايلاردى ەسكەرە وتىرىپ، 280 ادامعا كۇزەتپەن ۇستاۋ بۇلتارتپاۋ شاراسى ەشقايدا كەتپەۋ تۋرالى قولحاتقا، كەپىلگە، ءۇيقاماققا جانە جەكە كەپىلگەرلىككە اۋىستىرىلدى.



«پروكۋرورلار ۇستالعاندار جانە جاۋاپتىلىققا تارتىلىپ جاتقان ادامداردىڭ تۋىستارىمەن كەزدەسۋلەر وتكىزۋدە. ولاردىڭ ۋاجدەرى مەن دالەلدەرى جان-جاقتى تەكسەرىلىپ، وسى نەگىزدە بۇلتارتپاۋ شارالاردى وزگەرتۋ جونىندە شەشىمدەر قابىلدانىپ جاتىر»، - دەدى باس پروكۋراتۋرا وكىلى.


ءسىزدىڭ رەاكسياڭىز؟
ۇنايدى
0
ۇنامايدى
0
كۇلكىلى
0
شەكتەن شىققان
0
سوڭعى جاڭالىقتار

16:33

16:28

13:27

12:23

12:17

12:15

12:13

12:05

12:03

12:01

11:59

11:57

11:55

11:53

11:51

11:46

11:43

11:41

11:39

11:37

11:34

11:31

11:29

11:26

11:24