الماتىدا 5 ادامدى اتىپ ولتىرگەن يگور دۋجنوۆتىڭ ءىسى قىلمىستىق ىستەر جونىندەگى مامانداندىرىلعان اۋدانارالىق سوتىندا قارالدى.
سوت وتىرىسى بارىسىندا پروكۋرور يگور دۋجنوۆتى ءومىر بويىنا باس بوستاندىعىنان ايىرۋدى سۇرادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ەسكە سالايىق، بىلتىر 20 قىركۇيەك كۇنى الماتىدا جەكە ۇيلەردىڭ بىرىنە كەلگەن سوت ورىنداۋشىعا، ۋچاسكەلىك پوليسيا ينسپەكتورلارىنا ءۇي يەسى — 1967 جىلى تۋعان ازامات وق اتتى.
قىزمەت بارىسىندا بەس ادام، ونىڭ ىشىندە ەكى پوليسيا قىزمەتكەرى وقتان جاراقات الىپ، كوز جۇمدى. قازا تاپقان پوليسەيلەردىڭ ءبىرىنىڭ ارتىندا 5، ەكىنشىسىندە 2 بالا قالدى. كەيىنىرەك جەكە سوت ورىنداۋشىلارىنىڭ پالاتاسى وقيعاعا قاتىستى تۇسىنىكتەمە بەردى.
«بانك سەنتركرەديت» اق ءىس بويىنشا قاجەتتى بارلىق قۇجات ۇسىنىلاتىنىن جانە زارداپ شەككەندەردىڭ تۋىستارىنا جان-جاقتى كومەك كورسەتىلەتىنىن جەتكىزدى.