كارىم ءماسىموۆ باستى ۇيىمداستىرۋشى ما؟
جۋرناليستەر ءماجىلىستىڭ جالپى وتىرىسىنان كەيىن باس پروكۋرور بەرىك اسىلوۆتى سۇراق استىنا الدى، دەپ جازادى Almaty-akshamy.kz Baq.kz cىلتەمە جاساپ.
باس پروكۋرورعا «قاڭتار وقيعاسىن ۇيىمداستىرعان كىمدەر؟ «ولاردىڭ اتى-جوندەرى كىم؟»، «238 ادام قالاي قازا تاپتى؟» دەگەن سۇراقتار قويىلدى.
بەرىك اسىلوۆ ۇيىمداسقان توپ كوسەمدەرىنىڭ ءبارى انىقتالعانىن ايتتى. الايدا، ەسىمدەرىن اتامادى.
ولار قۇقىق قورعاۋ ورگاندارىنىڭ قولدارىندا. ونىڭ ءبارىن سىزدەرگە ايتا المايمىن، – دەدى ول.
ايتۋىنشا، مەملەكەتتىك توڭكەرىس جاساۋعا ارەكەت جاسالعان.
بۇعان دەيىن ايتقانداي، نەگىزگى ۇيىمداستىرۋشىلار ۇقك-نىڭ ەكس-توراعاسى كارىم ءماسىموۆ پەن ونىڭ ورىنباسارلارىنا قاتىستى قىلمىستىق ءىس قوزعالدى، - دەدى بەرىك اسىلوۆ ءماجىلىس كۋلۋارىندا.
"دەمەك، كارىم ءماسىموۆ باستى ۇيىمداستىرۋشى ما؟" - دەپ سۇرادى ب ا ق وكىلى.
"سولاي دەپ ايتۋعا بولادى"، – دەپ جاۋاپ بەردى ەلىمىزدىڭ باس پروكۋرورى.