سوتتالۋشى تەلەگرام ارناسىندا جازبالار جاريالاعان
قوستاناي قالاسىنىڭ №2 سوتىندا قاڭتار وقيعاسى كەزىندە الەۋمەتتىك جەلى ارقىلى جالعان اقپارات تاراتتى دەپ ايىپتالعان دياس نۇرماعامبەتوۆتىڭ ءىسى قارالدى، دەپ حابارلادى Almaty-akshamy.kz قازاقپارات-قا سىلتەمە جاساپ.
ايىپتاۋ نۇسقاسى بويىنشا، سوتتالۋشى «پروتەستنىي كوستاناي» تەلەگرام ارناسىندا جازبالار جاريالاعان. قاڭتارداعى ميتينگىلەر كەزىندە ول پوليسيانىڭ نارازىلىق بىلدىرۋشىلەر جاعىنا ءوتىپ جاتقانى تۋرالى حابارلاما تاراتقان. بۇل، سوتتىڭ مالىمەتىنشە، قوعامدىق ءتارتىپتى بۇزۋ ءقاۋپىن تۋدىرعان. پروكۋرور «كوپشىلىك ءىس-شارالاردى وتكىزۋ كەزىندە» دەگەن سارالاۋ بەلگىسىن الىپ تاستادى، ول نۇرماعامبەتوۆتىڭ ارەكەتىن قك-نىڭ 274-بابى 2-بولىگى 3-تارماعى بويىنشا تۇپكىلىكتى سارالاۋدى جانە سوتتالۋشىعا 2 جىل مەرزىمگە شارتتى تۇردە باس بوستاندىعىنان ايىرۋ تۇرىندەگى جازا تاعايىنداۋدى سۇرادى. الايدا، نۇرماعامبەتوۆ سوتتا كىناسىن مويىندامادى.
«جازا تاعايىنداۋ كەزىندە سوت ايىپتالۋشى نۇرماعامبەتوۆتىڭ جاۋاپكەرشىلىگى مەن جازاسىن جەڭىلدەتەتىن ءمان-جايلار رەتىندە سوتتىلىعى مەن اۋىرلاتاتىن ءمان-جايلاردىڭ بولماۋىن ەسكەردى. سوت قك-نىڭ 44-بابىندا كوزدەلگەن جازانىڭ بۇكىل مەرزىمىنە پروباسيالىق باقىلاۋ بەلگىلەي وتىرىپ، 1 جىل مەرزىمگە باس بوستاندىعىن شەكتەۋ تۇرىندەگى جازانى جانە مىندەتتەردى بەلگىلەدى»، - دەپ حابارلادى وبلىستىق سوتتان. سونداي-اق، قاماۋدا ۇستاۋ ۋاقىتى مەن ءۇيقاماقتاعى ۋاقىت جازا مەرزىمىنە كىرەدى.