بۇل تۋرالى ق ر باس پروكۋراتۋراسى 1-قىزمەت باستىعىنىڭ ورىنباسارى ەلدوس قيلىمجانوۆ ايتتى.
ونىڭ ايتۋىنشا، 135 ازامات باس بوستاندىعىن شەكتەۋگە جانە قوعامدىق جۇمىسقا تارتىلدى، دەپ حابارلايدى Almaty-akshamy.kz
«بۇگىنگى كۇنى كىنانى مويىنداعانىنا جانە زالالدى وتەگەنىنە بايلانىستى 135 ازامات باس بوستاندىعىن شەكتەۋگە جانە قوعامدىق جۇمىسقا تارتىلدى. قارۋدى ۇرلاۋعا جانە ساقتاۋعا بايلانىستى اۋىر قىلمىس جاساعان، زالالدى وتەمەگەن جانە بۇرىن سوتتالعان 17 ادام باس بوستاندىعىنان ايىرىلدى»، - دەگەن باس پروكۋراتۋرا وكىلى سوتتالعانداردىڭ ارەكەتىنەن بىرنەشە مىسال كەلتىردى.
«الماتى قالاسىنىڭ جەتىسۋ اۋداندىق اۋداندىق سوتى 2021 جىلى سوتتاعان جانە پروباسيالىق باقىلاۋداعى ازامات س-نى 4 جىلعا باس بوستاندىعىنان ايىردى. ول جاپپاي تارتىپسىزدىك كەزىندە قاراقشىلىق ارەكەتتەر جاساپ، ءىرى سومادا ۇرلىق جاساعان. الماتى قالاسى المالى اۋداندىق سوتىنىڭ ۇكىمىمەن ازامات ن «اننا» قارۋ-جاراق دۇكەنىنەن 4 مىلتىق پەن ءوق-دارى ۇرلاعانى ءۇشىن 3 جىلعا باس بوستاندىعىنان ايىرىلدى»، - دەدى ەلدوس قيلىمجانوۆ.