ەلىمىزدىڭ شەكاراسىندا جالعان قۇجاتتارى بار جۇك كولىكتەرى ۇستالدى

كولىكتەرگە كيىم، اياق-كيىم، كوسمەتيكا، ىدىس جانە تاعى باسقا حالىق تۇتىناتىن تاۋارلار تيەلگەن.

مەملەكەتتىك كىرىستەر كوميتەتىنىڭ مالىمەتىنشە، 2022 جىلعى 1 ساۋىردە تاۋارعا جالعان ىلەسپە قۇجاتتار بار كولىكتەر انىقتالدى، دەپ حابارلايدى Almaty-akshamy.kz

قازاقستان مەن قىرعىزستان شەكاراسىندا جالعان قۇجاتتارى بار 6 جۇك كولىگى ۇستالدى، دەپ حابارلايدى inbusiness.kz. مەملەكەتتىك كىرىستەر كوميتەتىنىڭ مالىمەتىنشە، 2022 جىلعى 1 ساۋىردە تاۋارعا جالعان ىلەسپە قۇجاتتار بار كولىكتەر انىقتالدى. ولارعا كيىم، اياق-كيىم، كوسمەتيكا، ىدىس جانە تاعى باسقا حالىق تۇتىناتىن تاۋارلار تيەلگەن.

«قىرعىزستاننان كەلە جاتقان 6 جۇك كولىك قۇرالىنا سالىقتىق تەكسەرۋ جۇرگىزۋ بارىسىندا قۇجاتتاردا قازاقستان الۋشىسى رەتىندە كورسەتىلگەن كومپانيانىڭ اتالعان تاۋارلاردىڭ يمپورتىنا ەشقانداي قاتىسى جوق ەكەنى انىقتالدى. تەكسەرىس بارىسىندا كومپانيا باسشىسى يمپورتقا قاتىسى جوعى تۋرالى مالىمدەمە جاسادى»، - دەپ جازىلعان حابارلامادا.

وسىعان بايلانىستى بۇل ءىس بويىنشا ماتەريالدار تاۋارلاردى مەملەكەت كىرىسىنە اينالدىرۋ ءۇشىن سوتقا جىبەرىلەدى.