بۇل تۋرالى بۇگىن وكق-دە وتكەن باسپا ءسوز ءماسليحاتىندا ءىىم تەرگەۋ دەپارتامەنتىنىڭ باسشىسى سانجار ءادىلوۆ ايتتى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
سوت قاراۋلارىنىڭ ناتيجەلەرى بويىنشا 539 ايىپتالۋشىعا ۇكىم شىقتى، ولاردىڭ 425ء-ى باس بوستاندىعىن شەكتەۋگە جانە تەك 104ء-ى عانا اۋىر جانە اسا اۋىر قىلمىستار جاساعانى ءۇشىن باس بوستاندىعىنان ايىرۋعا سوتتالدى. ءقازىر پوليسيا تەرگەۋشىلەرىنىڭ وندىرىسىندە 276 ءىس بار (قارۋدى زاڭسىز ساقتاۋ – 50، كىسى ءولتىرۋ – 33، بيلىكتى اسىرا پايدالانۋ – 40، ۇرلىق – 16، بۇزاقىلىق – 4 جانە ت.ب.)، - دەدى س.ءادىلوۆ.
پوليسيا تەرگەۋشىلەرى قاڭتار وقيعالارى بويىنشا 4 642 قىلمىستىق ءىس قوزعادى. ولاردىڭ ىشىندە: ۇرلىق – 2،5 مىڭ، قارۋدى ۇرلاۋ نەمەسە ساقتاۋ – 710 فاكت، بۇزاقىلىق – 418، مۇلىكتى جويۋدىڭ 199 فاكتىسى، قاراقشىلىق جانە توناۋ – 26.
971 ءىستىڭ ءوندىرىسى اياقتالدى، ونىڭ ىشىندە 609 ايىپتالۋشىعا قاتىستى ءىس سوتتارعا جولداندى. جالپى، بۇگىنگى تاڭدا پوليسيا تەرگەۋشىلەرىمەن 40 مىڭعا جۋىق تەرگەۋ ارەكەتتەرى جۇرگىزىلدى، 15 مىڭنان استام ازاماتتان جاۋاپ الىندى جانە 2،5 مىڭنان استام ساراپتاما تاعايىندالدى، - دەدى دەپارتامەنت باسشىسى.
سونداي-اق 873 قارۋ تاركىلەندى. ولاردىڭ 480ء-ى تابەلدىك بولسا، قالعانى - ازاماتتىق قارۋ.