موپەد ۇرلاۋشىلار ۋاقىتشا تەرگەۋ يزولياتورىنا توعىتىلدى.
ۇرلىق جاساۋمەن اينالىسقان ايەل 27-دە بولسا، ونىڭ سەرىگى 26 جاستا، دەپ حابارلايدى Almaty-akshamy.kz Polisia.kz-كە سىلتەمە جاساپ.
«قازىرگى ۋاقىتتا ۇستالعانداردىڭ بوتەننىڭ مۇلكىن ۇرلاۋدىڭ ەكى دەرەگىنە قاتىستىلىعى انىقتالدى. وسى قىلمىستاردى جاساۋ كەزىندە قاسكويلەر بەينەكامەرالاردىڭ وبەكتيۆىنە ءتۇسىپ قالعان. كۇدىكتىلەردىڭ جەكە باسى انىقتالدى جانە ۇستالدى. جۇپ قىلمىستىق ارەكەتتىڭ جوسپارىن بىرگە ازىرلەپ، جۇزەگە اسىردى. ولار قالا كوشەلەرىندە قاراۋسىز قالعان موپەدتەردى اڭدىپ، ۇرلاپ كەتكەن. سودان كەيىن مۇلىككە ءوز قالاۋلارى بويىنشا يەلىك ەتكەن»، – دەدى بوستاندىق اۋداندىق پب-نا قاراستى پوليسيا ءبولىمىنىڭ باستىعى عالىم قاسىمبايەۆ.
ول الماتى وبلىسىنىڭ تۋماسى، بۇرىن قۇقىقبۇزۋشىلىعى بولماعان. سەرىگى تۇركىستان وبلىسىنىڭ تۋماسى، بۇرىن ۇرلىق جاساعانى ءۇشىن سوتتى بولعان. قازىرگى ۋاقىتتا تەرگەۋشىلەر قىلمىسكەر جۇپتىڭ بۇرىن جاسالعان وسىعان ۇقساس قىلمىستارعا قاتىسى بار-جوعىن تەكسەرىپ جاتىر.