قاڭتار-اقپاندا ەل ەكونوميكاسى 4،3 پايىزعا ءوستى. بۇل تۋرالى ۇلتتىق بانك ءتوراعاسى عالىمجان ءپىرماتوۆ ايتتى، دەپ حابارلايدى اlmaty-akshamy.kz قازاقپارات-قا سىلتەمە جاساپ.
«قازاقستان ەكونوميكاسى 2023 جىلعى قاڭتار-اقپان ايلارىندا 4،3 پايىزعا ءوستى. بۇل ۇلتتىق بانكتىڭ وسى جىلعا بەلگىلەگەن 3،5-4،5 پايىز دەڭگەيىندەگى بولجامدارىنا سايكەس كەلەدى. ناقتى سەكتور 2،7 پايىزعا، ال قىزمەت كورسەتۋ سالاسىنداعى ىسكەرلىك بەلسەندىلىك 5 پايىزعا ءوستى. بيىلعى اقپان ايىندا تۇتىنۋ تاۋارلارىن ءوندىرۋ كولەمى ەداۋىر ارتتى. قۇرىلىس جۇمىستارىنىڭ قۇرىلىمىندا كوپ پاتەرلى تۇرعىن ۇيلەردى پايدالانۋعا بەرۋدىڭ ارتقانى بايقالادى. ىشكى سۇرانىس – تۇراقتى. بۇل بولشەك تاۋار اينالىمىنىڭ وڭ ديناميكاسىنان كورىنىپ وتىر»، - دەدى عالىمجان ءپىرماتوۆ.
ونىڭ دەرەگىنشە، قاڭتار-اقپان ايلارىنىڭ قورىتىندىسى بويىنشا، بولشەك تاۋار اينالىمى ناقتى ماندە 12،9 پايىزعا ءوستى.
«وتكەن جىلدىڭ تومەن بازاسىنا قاراماستان، اۆتوموبيل، ەلەكترلىك تۇرمىس تەحنيكاسى، ازىق-تۇلىك ونىمدەرى مەن كيىم-كەشەك ساتۋ دا بولشەك تاۋار اينالىمىنىڭ ۇلعايۋىنا اسەر ەتتى»، - دەدى ول.