مۇنداي شەشىم ءتىلسىز جاۋدىڭ الدىن الۋدى كوزدەيدى.
جامبىل وبلىسىندا 1 ماۋسىمنان 20 قىركۇيەككە دەيىن تۇرعىنداردىڭ ورمانعا بارۋىنا تىيىم سالىنادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ورماندا ءورت ءقاۋپى جوعارى بولىپ تۇرعان كەزەڭدە (جىل سايىن 1 ماۋسىمنان 20 قىركۇيەككە دەيىن) جەكە تۇلعالاردىڭ مەملەكەتتىك ورمان قورى اۋماعىندا بولۋىنا تىيىم سالىنسىن. وسى قاۋلىنىڭ ورىندالۋىن باقىلاۋ وبلىس اكىمىنىڭ جەتەكشىلىك ەتەتىن ورىنباسارىنا جۇكتەلسىن»، - دەلىنگەن وبلىس اكىمى نۇرجان نۇرجىگىتوۆ قول قويعان قاۋلىدا.
اكىمدىك سايتىندا جاريالانعان قۇجاتات كورسەتىلگەندەي، بۇل شەكتەۋ ورمان ءورتىنىڭ الدىن الۋ ماقساتىندا ەنگىزىلگەن.
تاياۋدا وسىنداي تىيىم سالۋ شاراسى قوستاناي وبلىسىندا دا قابىلداندى.
بىلتىر اتالعان وڭىرگە قاراستى اۋليەكول اۋدانىنداعى ورماندا الاپات ءورت بولدى.
بىرنەشە اپتاعا جالعاسقان ءتىلسىز جاۋ سالدارىنان 2 091 ادام ەۆاكۋاسيالانىپ، 12 تۇرعىن ءتۇرلى جاراقات الدى. سونىمەن قاتار، ءبىر ازامات كوز جۇمدى.