جالپى، ءۇش مىڭعا جۋىق قارۋ-جاراق تونالعان.
قاڭتار ايىنداعى وقيعا كەزىندە ۇرلانعان ەكى مىڭنان استام قارۋ ءالى دە قىلمىسكەرلەردە، دەپ حابارلايدى Almaty-akshamy.kz
«ۇرلانعان قارۋلاردىڭ ىشىندە اۆتوماتتار، مىلتىقتار، تاپانشالار، گراناتومەتتەر، سونداي-اق گراناتالار بار. بەيبىت تۇرعىندارعا بۇل قارۋلاردىڭ قاجەتى جوق ەكەنى تۇسىنىكتى. ول ەلدەگى جاعدايدى تۇراقسىزداندىرۋ ءۇشىن ۇرلانعان. ايتىلعان بارلىق فاكتىلەر بويىنشا قىلمىستىق ىستەر تەرگەلۋدە»، - دەدى باس پروكۋرور.
ول الماتى جانە جامبىل وبلىستارىنىڭ پوليسيا دەپارتامەنتتەرىنىڭ عيماراتتارىنان 800-گە جۋىق اتىس قارۋى ۇرلانعانىن ايتتى. ولاردىڭ اراسىندا 262 اۆتومات، 501 تاپانشا، 12 گراناتومەت، پۋلەمەت، 60 مىڭنان استام ءوق-دارى بار.
اڭشىلىق دۇكەندەر مەن قۇقىق قورعاۋ جانە ارنايى ورگانداردىڭ قارۋ-جاراق ارسەنالدارىنان ءۇش مىڭعا جۋىق قارۋ ۇرلانعان، ولاردىڭ تەك 771ء-ى تابىلعان.