58 مىڭنان استام ادام Pfizer ۆاكسيناسىن سالدىردى.
الماتىدا ءبىر تاۋلىك ىشىندە 609 ادام كۆي-عا قارسى ۆاكسينا الدى. ونىڭ ىشىندە 1ء-شى كومپونەنتىن 172 ادام، 2ء-شى كومپونەنتىن 437 ادام سالدىردى، دەپ حابارلايدى Almaty-akshamy.kz.
«وتكەن جىلدىڭ 1 اقپانى مەن بيىلعى جىلدىڭ 13 ناۋرىزى ارالىعىندا قالادا 1 150 110 تۇرعىن ۆاكسينانىڭ ءبىرىنشى كومپونەنتىن، 1 112 300 ادام ەكىنشى كومپونەنتىن سالدىرعان»، - دەلىنگەن الماتى قالالىق قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتىنىڭ حابارلاماسىندا.
بۇگىنگى تاڭدا Pfizer ۆاكسيناسىن 58 696 ادام سالدىردى. ونىڭ ىشىندە 3 351 جۇكتى ايەل، 12 867 بالا ەمىزەتىن انا جانە 42 369 ءجاسوسپىرىم بار.
263 632 قالا تۇرعىنى ريەۆاكسينالاۋدان ءوتتى.
«بۇگىنگى تاڭدا قالادا مەديسينا مەكەمەلەرىندە 137 ۆاكسينالاۋ پۋنكتى جۇمىس ىستەيدى. 175 ۆاكسينالاۋ بريگاداسىندا 555 مەديسينا قىزمەتكەرى جۇمىلدىرىلدى»، - دەلىنگەن الماتى قالالىق قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتىنىڭ حابارلاماسىندا.