قانت مونوپوليستەرىنىڭ قىزمەتى تەكسەرىلەدى

قانت مونوپوليستەرىنىڭ قىزمەتىن تەكسەرۋ كەرەك.

پرەمەر-مينيستر ءاليحان سمايىلوۆ ەكونوميكانى دەمونوپوليزاسيالاۋ جونىندەگى كوميسسيانىڭ كەزەكتى وتىرىسىندا وسىنداي تاپسىرما بەردى، دەپ حابارلايدى Almaty-akshamy.kz 

ەلىمىزدە قانتتىڭ نەگىزگى كولەمى جامبىل جانە الماتى وبلىستارىندا ورنالاسقان ءتورت زاۋىتتا وندىرىلەدى. باسەكەلەستىكتى قورعاۋ جانە دامىتۋ اگەنتتىگىنىڭ مالىمەتىنشە، ەلدە وندىرىلگەن قانتتىڭ شامامەن 90%-ىن ءىرى كوتەرمە جەتكىزۋشى ساتىپ العان. ونىڭ ىس-ارەكەتتەرىنەن تاۋاردى اينالىمنان الىپ قويۋ بەلگىلەرى بايقالىپ وتىر. سالدارىنان قانتتىڭ نارىقتىق باعاسى 700-800 تەڭگەگە دەيىن كوتەرىلگەن، ال ءوندىرۋشى زاۋىت ونى 420-450 تەڭگەدەن ساتادى.

وسىعان بايلانىستى مونوپولياعا قارسى زاڭنامانى بۇزۋ بەلگىلەرى بويىنشا تەرگەۋ تاعايىندالدى. جيىندا سالاعا باقىلاۋدى قاتاڭداتۋ، يمپورتتاۋشىلاردى بيرجا ارقىلى قانت وتكىزۋگە مىندەتتەۋ ۇسىنىلدى. پرەمەر-مينيستر زاڭنامانى بۇزۋ بەلگىلەرى بويىنشا كومپانياعا قاتىستى تەرگەۋدى جالعاستىرۋدى تاپسىردى. ءارى ساۋدا جانە ينتەگراسيا مينيسترلىگى، اۋىل شارۋاشىلىعى مينيسترلىگى جانە اكىمدىكتەرمەن بىرلەسىپ، وتاندىق قانت زاۋىتتارىنا شيكىزات ساتىپ الۋعا «اينالىم سحەماسى» بويىنشا قاراجاتتىڭ ءبىر بولىگىن جىبەرۋ ماسەلەسىن پىسىقتاۋدى تاپسىردى.