ولار كوتەرمە ساۋدادا قانتتىڭ باعاسىن 5،3% - عا كوتەرگەن
قازاقستان رەسپۋبليكاسى باسەكەلەستىكتى قورعاۋ جانە دامىتۋ اگەنتتىگىنىڭ قىزىلوردا وبلىسى بويىنشا دەپارتامەنتى «انۆار» ج ش س جانە «تولە-بي» دەگەن جەكە كاسىپكەردىڭ كوتەرمە ساۋدادا قانتتىڭ باعاسىن نەگىزسىز وسىرگەنىن انىقتادى، دەپ حابارلايدى Almaty-akshamy.kz.
«2022 جىلدىڭ ءبىرىنشى توقسانىندا قىزىلوردا وبلىسى بويىنشا مونوپولياعا قارسى دەپارتامەنت قانتتى كوتەرمە ساۋدادا وتكىزۋدىڭ تاۋار نارىعىن تالداۋ قورىتىندىلارى بويىنشا «انۆار» ج ش س مەن «تولە بي» كومپانياسىنىڭ ىس-ارەكەتتەرىندە زەرتتەلەتىن كەزەڭدە قانتتى كوتەرمە ساۋدادا وتكىزۋ باعاسىن ورتا ەسەپپەن 5،3% - عا نەگىزسىز ارتتىرۋ بولىگىندە مونوپولياعا قارسى زاڭنامانى بۇزۋ بەلگىلەرىن كوردى»، - دەپ كورسەتتى باسەكەلەستىكتى قورعاۋ جانە دامىتۋ اگەنتتىگىنىڭ باسپا ءسوز قىزمەتى.
«انۆار» ج ش س اقتوبەدە تىركەلگەنىنە بايلانىستى تالداۋ ماتەريالدارى اقتوبە وبلىسى بويىنشا بقدا اۋماقتىق بولىمشەسىنە بەرىلدى.
اقتوبە وبلىسى بويىنشا مونوپولياعا قارسى دەپارتامەنت «انۆار» جشس-نە ونىڭ ارەكەتتەرىندە باسەكەلەستىك زاڭنامانى بۇزۋ بەلگىلەرىنىڭ بولۋى جانە ولاردى جويۋ قاجەتتىلىگى تۋرالى حابارلاما شىعاردى، ونى كاسىپورىن بەلگىلەنگەن مەرزىمدە ورىنداماعان. «انۆار» جشس-نە قاتىستى حابارلامانىڭ ورىندالماۋىنا بايلانىستى مونوپولياعا قارسى تەرگەۋ باستالدى.