جىل باسىنان بەرى جۇقپالى اۋرۋلارعا قارسى ەكپە العاندار سانى مەن مەرزىمى تۋرالى الماتى قالالىق سانيتاريالىق-ەپيدەميولوگيالىق باقىلاۋ دەپارتامەنتى باسشىسىنىڭ مىندەتىن اتقارۋشى اسەل قالىكوۆا Massaget.kz تىلشىسىنە جاۋاپ بەردى، - دەپ حابارلايدى almaty-akshamy.kz.
قالا بويىنشا 9 ايدا قىزىلشاعا قارسى ناۋقاسپەن قارىم-قاتىناستا بولعان 477 ادام ەگىلگەن.
"ۇلتتىق پروفيلاكتيكالىق ەكپەلەر كۇنتىزبەسىنە سايكەس قىزىلشاعا قارسى ءبىرىنشىسىن 27 814 بالا، ەكىنشىسىن 30 995 بالا الدى. ونىڭ ىشىندە 1 جاستاعى 23 595 بالا جانە 6 جاستاعى 24 036 بالا بار. ال ۆاكسينامەن باسقارىلاتىن جۇقپالى ينفەكسيالارعا قارسى 259 294 ادامعا ەكپە جاسالدى"، - دەدى اسەل قالىكوۆا.
وسى ۋاقىتقا دەيىن پروفيلاكتيكالىق ەكپەلەردەن 1765 ادام باس تارتقان.
"دەنى ساۋ جاڭا تۋعان نارەستە العاشقى 12 ساعاتتا "ۆ ۆيرۋستى گەپاتيتىنە" قارسى جانە العاشقى 4 كۇن ىشىندە تۋبەركۋلەزگە قارسى ەگىلۋگە ءتيىس. 1 جاسقا دەيىنگى بالا تۇرعىلىقتى جەرى بويىنشا ەمحانادا كوكجوتەلگە، سىرەسپەگە، ديفتەرياعا، پوليوميەليتكە، ۆ ۆيرۋستى گەپاتيتىنە، گەموفيلدى جانە پنيەۆموكوكك ينفەكسيالارىنا قارسى، 1 جاسىندا قىزىلشاعا، قىزامىققا، ەپيدەميالىق پاروتيتكە، پوليوميەليتكە جانە پنيەۆموكوكك ينفەكسياسىنا قارسى، 1 جارىم جاسىندا كوكجوتەلگە، سىرەسپەگە، ديفتەرياعا، پوليوميەليتكە، گەموفيلدى ينفەكسيالارىنا قارسى ەگىلەدى. ونىڭ ايتۋىنشا، تۇراقتى يممۋنيتەتتى ساقتاۋ ءۇشىن بالا 6 جاسىندا قىزىلشا، قىزامىق، ەپيدەميالىق پاروتيتكە جانە سىرەسپە، كوكجوتەل، ديفتەرياعا قارسى قايتا ەگىلەدى"، - دەدى سانيتاريالىق-ەپيدەميولوگيالىق باقىلاۋ دەپارتامەنتى باسشىسىنىڭ مىندەتىن اتقارۋشى.
ال 16 جاستان باستاپ بارلىق ەرەسەكتەر سىرەسپەگە، ديفتەرياعا قارسى ءاربىر 10 جىل سايىن تۇرعىلىقتى مەكەن-جايى بويىنشا قالالىق ەمحانالاردا ەگىلەدى.