قانشا ادام زەينەتاقى جيناعىن باسپانا مەن ەمگە جۇمساعانى بەلگىلى بولدى

ورتا ەسەپپەن ءار ازامات 800 مىڭ تەڭگە الدى

1،7 ملن استام قازاقستاندىق زەينەتاقى جيناقتارىن باسپانا الۋعا جانە ەمدەلۋگە جۇمساعان، دەپ حابارلايدى Almaty-akshamy.kz بجزق سايتىنا سىلتەمە جاساپ. 

«1 تامىزداعى جاعداي بويىنشا، زەينەتاقى قاراجاتى ەسەبىنەن تۇرعىن ءۇي جاعدايىن جاقسارتۋ ءۇشىن 1 328 015 ءوتىنىش ورىندالدى. بۇل ماقساتتا ازاماتتاردىڭ شوتتارىنا جالپى سومماسى 3،1 ترلن تەڭگەدەن اساتىن قارجى اۋدارىلدى. ءار ازاماتقا بەرىلگەن زەينەتاقى قاراجاتىنىڭ ورتاشا سومماسى – 2،4 ملن تەڭگە»، - دەلنىگەن بجزق حابارلاماسىندا. 

سونىمەن قاتار، 380 مىڭنان استام قازاقستاندىق ەمدەلۋ ءۇشىن زەينەتاقى جيناقتارىن جۇمساعان. 

«بجزق ەمدەلۋ ءۇشىن بەرىلگەن 388 824 ازاماتتىڭ ءوتىنىشىن قاراپ، ولارعا جالپى سومماسى 302،5 ملرد تەڭگە اۋداردى. ورتا ەسەپپەن ءار ازامات 800 مىڭ تەڭگە الدى»، - دەپ ءمالىم ەتتى قوردىڭ باسپا ءسوز قىزمەتىنەن. 

زەينەتاقى قورىنىڭ مالىمەتىنشە، اۋدارىلعان اقشانى پايدالانباعان تۇرعىندار دا از ەمەس. ماسەلەن، «وتباسى بانكىنە» اۋدارىلعان 31،3 ملرد تەڭگە بەلگىلەنگەن مەرزىم ىشىندە پايدالانىلماي، كەرى قايتارىلعان.