2007 جىلى تۋعان ءجاسوسپىرىم وتباسىمەن دەمالۋعا كەلگەن
ارىس وزەنىنىڭ بويىنداعى شومىلۋعا تىيىم سالىنعان ايماقتا سۋعا تۇسكەن بالا قازا تاپتى، دەپ حابارلايدى Almaty-akshamy.kz.
وقيعا ورداباسى اۋدانى تەمىرلان اۋىلىنان ءبىر شاقىرىم جەردەگى ارىس وزەنىنىڭ بويىندا بولعان. 2007 جىلى تۋعان ءجاسوسپىرىم وتباسىمەن دەمالىس وتكىزۋ كەزىندە شومىلۋعا تىيىم سالىنعان ورىندا سۋعا ءتۇسىپ، قايتادان شىقپاعان.
"تۇركىستان وبلىسى توتەنشە جاعدايلار دەپارتامەنتىنىڭ جەدەل-قۇتقارۋ جاساعىنا قاراستى قۇتقارۋشىلار مەن سۇڭگۋىرلەر بالانىڭ ءمايىتىن سۋدان الىپ شىقتى. وقيعا ورنىنداعى بالانى ىزدەۋ جۇمىسىنا تۇركىستان وبلىسى تجد 2 قىزمەتكەرى مەن ءبىر تەحنيكاسى جانە جەدەل قۇتقارۋ جاساعىنىڭ 5 قۇتقارۋشىسى، پوليسيا دەپارتامەنتىنىڭ 4 قىزمەتكەرى جۇمىلدىرىلدى" - دەلىنگەن تۇركىستان وبلىسى تجد باسپا ءسوز قىزمەتى تاراتقان حابارلامادا.