مەملەكەت باسشىسىنىڭ ءوزى بۇل ماسەلەگە ارنايى توقتالعان ەدى.
ۇكىمەتتە پرەمەر-مينيستر ءاليحان سمايىلوۆتىڭ توراعالىعىمەن مەملەكەت باسشىسىنىڭ تاپسىرمالارىن ورىنداۋ ماسەلەلەرى بويىنشا وتكەن كەڭەستە قاڭعىباس يتتەر ماسەلەسى كوتەرىلدى، دەپ حابارلايدى Almaty-akshamy.kz
اتاپ ايتقاندا، ەكولوگيا مينيسترلىگىنە بۇل ماسەلەنى شەشۋگە حالىقارالىق تاجىريبەنى ەسكەرە وتىرىپ قاراۋ جانە زاڭناماعا ءتيىستى تۇزەتۋلەر ازىرلەۋ تاپسىرىلدى.
19 ساۋىردە ەلىمىزدىڭ الەۋمەتتىك-ەكونوميكالىق دامۋىنا ارنالعان جيىندا مەملەكەت باسشىسى بۇل ماسەلەگە توقتالىپ، وسى بويىنشا ۇنەمى ارىز-شاعىمدار ءتۇسىپ جاتقانىن اتاپ ءوتتى.
"ماعان بارلىق وبلىستاردان قاڭعىباس يتتەر تۋرالى ارىز-شاعىمدار كەلىپ تۇسەدى، ونىمەن قۇزىرلى ورگانداردىڭ ەشقايسىسى اينالىسپايدى، بارلىعى ءتيىستى زاڭعا سۇيەنەدى. ءبىراق وسى جولمەن جۇرسەك، جاعدايدى باقىلاۋدان شىعارىپ الۋىمىز مۇمكىن. ءيا، جانۋارلارعا قامقورلىق جاساۋ كەرەك. ءبىراق ولاردىڭ ادامدارعا، اسىرەسە، بالالارعا قاتىستى اگرەسسياسىنا جول بەرۋگە بولمايدى. ال قاڭعىباس يتتەردىڭ شابۋىلىنان زارداپ شەككەندەردىڭ سانى ارتىپ كەلەدى. بۇعان جول بەرۋگە بولمايدى. شارا قابىلداڭىزدار"، - دەدى توقايەۆ.