ناقتىراق ايتقاندا، ۆولگوگرادتاعى قانداستارىمىز انا ءتىلىن ۇيرەتەتىن مامان تاپشى دەپ وتىر.
ۆولگوگراد وبلىسىندا 40 مىڭعا جۋىق قازاق تۇرادى، دەپ حابارلايدى Almaty-akshamy.kz.
ولار ۇلتتىق قۇندىلىقتاردى ەرەكشە قاستەرلەيدى. ارنايى ۇيىرمەلەردە قولونەر شەبەرلەرى ءدارىس بەرەدى. الايدا قانداستارىمىزدى تولعاندىراتىن باستى ماسەلەنىڭ ءبىرى – انا ءتىلىن دارىپتەۋ. اسىرەسە، جاستارعا ۇيرەتۋگە دەن قويساق، - دەيدى. ولار عالامتور ارقىلى ونلاين ساباقتار ۇيىمداستىرۋدىڭ جولىن قاراستىرماق. ءبىراق، مامان تاپشى.
«كوپتەگەن ازاماتتار بالالارىنىڭ انا ءتىلىن بىلگەنىن قالايدى. ءبىراق دەڭگەيى ساي كەلەتىن ءمۇعالىم جوق. ءقازىر تەك ءبىر ادام عانا قازاق ءتىلىن ۇيرەتىپ ءجۇر. سونىمەن قاتار كىتاپ جەتىسپەيدى. وسى ماسەلەلەر شەشىلسە، قازاق ءتىلىن ۇيرەنۋشىلەر ارتاتىن ەدى»، - دەيدى ۆولگوگراد وبلىسىنىڭ تۇرعىنى جاراسحان جالمۇحامبەتوۆ.