وبلىستىق تجد وسىنداي ەسكەرتۋ جاسادى.
13-15 اقپاندا الماتى وبلىسىندا قاردىڭ بىردەن ەرۋى، مۇز كۇشىنىڭ السىرەۋىنىڭ اسەرىنەن سۋ تاسقىنى بولۋى مۇمكىن، دەپ حابارلايدى Almaty-akshamy.kz
الماتى وبلىسى تجد "قازگيدرومەت" رمك-نىڭ وڭىردە كۇننىڭ كۇرت جىلىنۋ ىقتيمالدىلىعى تۋرالى بولجامىن نەگىزگە الا وتىرىپ، ءوڭىر ازاماتتارىن اۋا رايىنىڭ وزگەرۋىن باقىلاۋعا الۋعا جانە ساقتىق شارالارىن ساقتاۋعا شاقىرادى.
"قازگيدرومەت" رمك-نىڭ 2023 جىلعى 12 اقپانداعى داۋىلدى ەسكەرتۋىنىڭ نەگىزىندە 13-15 اقپاندا الماتى وبلىسىندا قاردىڭ بىردەن ەرۋى، قىزىل سۋدىڭ جانە بەتكەيلىك اعىننىڭ قالىپتاسۋى، مۇز كۇشىنىڭ السىرەۋى جانە وزەندەردەگى سۋ دەڭگەيىنىڭ كوتەرىلۋى كۇتىلەدى، مۇنداي جاعدايدا وزەننىڭ ارناسىنان اسۋى جانە سۋ تاسقىنى بولۋى مۇمكىن"، - دەلىنگەن الماتى وبلىسى تجد باسپا ءسوز قىزمەتىنىڭ حابارلاماسىندا.
داۋىلدى ەسكەرتۋلەر، باسقا دا شۇعىل اقپاراتتى جەدەل الۋ ءۇشىن "دارمەن" تەگىن ءموبيلدى قوسىمشاسىن جۇكتەپ الۋعا بولاتىنى دا ايتىلادى.