قازاقستاننىڭ سىرتقى ساۋدا اينالىمى 2024 جىلى العاش رەت تابىستى بولدى. وتكەن جىلدىڭ وسى كەزەڭىمەن سالىستىرعاندا جوعارى كورسەتكىشكە جەتتى. ساراپشىلاردىڭ پايىمداۋىنشا، مۇنداي وسۋگە ەلدىڭ الىس شەت ەلدەرمەن ساۋدا جاساۋى سەبەپ بولعان، دەپ حابارلايدى aqshamnews.kz.
قازاقستان رەسپۋبليكاسىنىڭ ۇلتتىق ستاتيستيكا بيۋروسىنىڭ مالىمەتتەرى بويىنشا، 2024 جىلدىڭ قاڭتار ايىنان قىركۇيەك ايىنا دەيىن قازاقستاننىڭ سىرتقى ساۋدا اينالىمى 104،34 ميلليارد اقش دوللارىن قۇرادى. سونىمەن بىرگە، الىس شەت ەلدەرمەن ساۋدا اينالىمى 2،6%-عا (78،1 ميلليارد دوللارعا دەيىن) ارتقان. ال تمد ەلدەرىمەن ساۋدا كولەمى 3،2%-عا تومەندەپ، 26،24 ميلليارد دوللاردى قۇرادى. ەاەو ەلدەرىمەن ساۋدا اينالىمى دا 1،9%-عا تومەندەپ، 21،4 ميلليارد دوللاردى قۇرادى.
«2024 جىلدىڭ قاڭتار-قىركۇيەك ايلارىندا قازاقستاننىڭ ەاەو ەلدەرىمەن ساۋدا اينالىمى 21،4 ميلليارد دوللاردى قۇرادى، بۇل وتكەن جىلدىڭ وسى كەزەڭىمەن سالىستىرعاندا نومينالدى تۇردە 1،9%-عا از»، — دەپ حابارلايدى ستاتيستيكالىق پورتال.