الماتىداعى قاستەيەۆ مۇراجايى جوندەۋدەن كەيىن قايتا اشىلادى

ونەر ورداسىنىڭ قايتا اشىلۋى مۋزەيدىڭ 90 جىلدىعى مەن 1976 جىلدان بەرى ورنالاسقان عيماراتتىڭ 50 جىلدىعىمەن تۇسپا-تۇس كەلىپ وتىر، دەپ حابارلايدى aqshamnews.kz

مۋزەيگە قازاقستان رەسپۋبليكاسى پرەمەر-مينيسترىنىڭ ورىنباسارى – مادەنيەت جانە اقپارات ءمينيسترى ايدا بالايەۆا باردى.

ايدا بالايەۆا جوندەۋ جۇمىستارىنىڭ ناتيجەلەرىمەن تانىستى. مۋزەيدىڭ ىشكى بولمەلەرى مەن شاتىرى جاڭارتىلىپ، ەدەن جابىندارى اۋىستىرىلدى، سونداي-اق ينجەنەرلىك جۇيەلەر جاڭعىرتىلىپ، كليماتتىق باقىلاۋ جۇيەسى ورناتىلدى. ناتيجەسىندە ەلدەگى باستى كوركەم گالەرەيا زاماناۋي حالىقارالىق ستاندارتتارعا ساي، حالىقارالىق دەڭگەيدەگى كورمە جوبالارىن ىسكە اسىرۋعا تولىق دايىن.

جوندەۋ جۇمىستارىمەن قاتار مۋزەي ماماندارى ەكسپوزيسيالاردى دا جاڭارتتى. كورەرمەنگە بۇرىننان تانىس قازاقستاندىق جانە الەمدىك ونەر جاۋھارلارىمەن بىرگە جاڭا بولىمدەر ۇسىنىلدى. اتاپ ايتساق، گرافيك-سۋرەتشى ەۆگەنيي سيدوركيننىڭ شىعارمالار كورمەسى، "قازاق ونەرىندەگى ايەل بەينەسى" ەكسپوزيسياسى، قازاقستاننىڭ تاۋەلسىزدىك كەزەڭىندەگى ونەر ءبولىمى، سونداي-اق حح عاسىردىڭ سوڭى – ءححى عاسىردىڭ باسىنداعى شەتەلدىك ونەردىڭ جاڭا تۋىندىلارىنا ارنالعان ءبولىم بار.