بىرلەسىپ اتقارعان جۇمىستارى ءۇشىن العىسىن ايتتى.
الماتى پوليسيا دەپارتامەنتىنىڭ بۇرىنعى جەتەكشىسى قانات تايمەردەنوۆ الماتىلىقتارعا الەۋمەتتىك جەلىلەر ارقىلى العىسىن ءبىلدىردى، دەپ حابارلادى Almaty-akshamy.kz.
«قىمباتتى دوستار!
قۇرمەتتى الماتىلىقتار!
ەكى جارىم جىل بويى ءبىز بىرگە ەلىمىزدىڭ ەڭ ءىرى شاھارىندا زاڭدىلىق پەن ءتارتىپتى قامتاماسىز ەتۋ جانە ازاماتتاردىڭ قاۋىپسىزدىگىنە قاتىستى وزەكتى ماسەلەلەردى شەشۋ ءۇشىن تىعىز جۇمىس جاسادىق.
مەنىڭ تاجىريبەمدە بۇل قالاداعى قىلمىستىق جاعدايدى تۇراقتاندىرۋعا جانە جازاتايىم وقيعالاردى ازايتۋعا مۇمكىندىك بەرگەن قوعاممەن ەڭ جەمىستى ىنتىماقتاستىق بولدى دەسەم دە بولادى.
سىزدەرمەن بىرگە قالالىق قوعامدىق كولىكتەردى، جالپى ءبىلىم بەرەتىن مەكتەپتەردى، كوللەدجدەردى، ازاماتتاردىڭ جاپپاي جۇرەتىن ورىندارىن، سونداي-اق تەرگەۋشىلەر، انىقتاۋشىلار مەن جەدەل ۋاكىلدەردىڭ كابينەتتەرىن قامتيتىن بەينەباقىلاۋ جۇيەلەرىن كەڭەيتۋ ماسەلەلەرى دە شەشىلدى.
سونىمەن قاتار، الماتى پوليسياسىنىڭ قىزمەتتىك ۇلگىگە كوشۋىنىڭ ارالىق قورىتىندىلارى شىعارىلدى.
قوعام بەلسەندىلەرىمەن بىرلەسە وتىرىپ، تاياۋ بولاشاققا ارنالعان باسىم جوسپارلار بەلگىلەندى.
ءبىر سوزبەن ايتقاندا، بۇگىندە الماتىدا قىلمىستىق جاعداي تۇراقتى جانە باقىلاۋدا.ءالى دە اتقارىلاتىن جۇمىستار بار ەكەندىگى راس.
دوستار!
سىزدەردى الداعى ۋاقىتتا دا قالاداعى قاۋىپسىزدىك پەن قۇقىقتىق ءتارتىپتى قامتاماسىز ەتۋ ماسەلەلەرىن شەشۋگە بەلسەندى اتسالىسۋعا شاقىرامىن.بىرلەسكەن جۇمىستارىڭىز ءۇشىن العىسىمدى ايتامىن.
الماتى قالاسى پد قىزمەتتەرى مەن بولىمشەلەرىنىڭ جەكە قۇرامىنا جانقيارلىق جانە كاسىبي ەڭبەكتەرى ءۇشىن ەرەكشە العىس ايتامىن»، - دەپ جازدى قانات تايمەردەنوۆ.
بۇدان بۇرىن بەلگىلى بولعانداي، قانات تايمەردەنوۆ الماتى پوليسيا دەپارتامەنتىنىڭ باستىعى قىزمەتىنەن كەتكەن بولاتىن.
«قانات تايمەردەنوۆ ىشكى ىستەر مينيسترلىگىنىڭ ورتالىق اپپاراتىنا باسشىلىق قىزمەتكە اۋىستىرىلۋدا»، - دەلىنگەن ءىىم باسپا ءسوز قىزمەتىنىڭ حاباراماسىندا.