ناقتى كۇنىن 7 قازانعا بەلگىلەدى.
بەلگىلى بىلعارى قولعاپ شەبەرى قانات يسلام مانسابىنداعى العاشقى جەڭىلىسىنەن كەيىن شارشى الاڭعا قاي كۇنى شىعاتىنى بەلگىلى بولدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
Sports.kz سايتىنىڭ مالىمەتىنشە، قازاقستاندىق بوكسشى قانات يسلام (28-1، 22 كو) الداعى ەكى اپتانىڭ شاماسىندا رينگكە ورالادى.
قانات يسلامنىڭ جاتتىقتىرۋشىسى رودجەر رومو بوكسشىنىڭ كەلەسى جەكپە-جەگىنىڭ ناقتى كۇنىن 7 قازانعا بەلگىلەدى. قازاق بوكسشىسىنىڭ قايدا جانە كىممەن جۇدىرىقتاساتىنى ازىرگە انىقتالعان جوق.
ەسكە سالا كەتەيىك، قانات يسلام اقپان ايىندا سوڭعى جەكپە-جەگىن وتكىزىپ، كاسىپقوي بوكس مانسابىنداعى العاشقى جەڭىلىسىنە ۇشىراعان بولاتىن. ول بريتاندىق دجيممي كەلليمەن (26-3، 10 كو) قولعاپ ءتۇيىستىرىپ، جەڭىلىپ قالعان ەدى. بۇل جەكپە-جەكتە ورتا سالماقتاعى WBO Global تيتۋلى ساراپقا سالىنادى. يسلام بۇعان دەيىن WBO International تيتۋلىنا يە بولعان.