الماتى قالاسىنداعى №3 مامانداندىرىلعان حالىققا قىزمەت كورسەتۋ ورتالىعى ءوز جۇمىسىن توقتاتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ازاماتتارعا ارنالعان ۇكىمەت» مەملەكەتتىك كورپوراسياسى كەاق الماتى قالاسى بويىنشا فيليالىنىڭ مالىمەتىنشە، بيىلعى 19 قىركۇيەكتەن باستاپ الماتى قالاسى، سەرىكوۆ كوشەسى، 2ا مەكەنجايىندا ورنالاسقان №3 مامانداندىرىلعان حقو ءبولىمى جۇمىسىن توقتاتتى.
«قۇلاگەر» شاعىناۋدانىنىڭ №3 مامانداندىرىلعان بولىمگە قىزمەت الۋشىلار از كەلەدى. كوبىنەسە اۆتوكولىك يەلەرى قىزمەت الۋ ءۇشىن №1، №2، №5 جانە №6 بولىمدەرگە جۇگىنەدى نەمەسە قىزمەتتەردى ەكىنشى دەڭگەيدەگى بانكتەردىڭ قوسىمشالارى ارقىلى ونلاين الادى. اۋدان تۇرعىندارىنىڭ تاراپىنان اۆتوكولىككە قاتىستى قىزمەتتەرگە سۇرانىستىڭ بولماۋى سەبەپتى ءبولىم جۇمىسىن توقتاتۋعا شەشىم قابىلداندى»، - دەدى «ازاماتتارعا ارنالعان ۇكىمەت» مەملەكەتتىك كورپوراسياسى» كە اق الماتى قالاسى فيليالىنىڭ ديرەكتورى ابدۋراسۋل كۋلداشوۆ.
وسىعان دەيىن الماتىدا اۆتوكولىك يەلەرىنە ارنالعان 5 محقو جۇمىس ىستەسە، ەندى اۆتوكولىك يەلەرى قالاداعى تەك 4 محقو-عا جۇگىنە الادى. ولار №1 مامانداندىرىلعان ءبولىم - «سايالى» شاعىناۋدانى، اققاينار كوشەسى، 1 مەكەنجايىندا، № 2 مامانداندىرىلعان ءبولىم - مايلين كوشەسى، 85، № 5 مامانداندىرىلعان ءبولىم - تۇركسىب اۋدانىنداعى «قايرات» شاعىناۋدانى، قۇلجا داڭعىلى، 9 شاقىرىمىندا جانە № 6 مامانداندىرىلعان ءبولىم - «كەمەل» شاعىناۋدانى اقسۋات كوشەسى، 118 مەكەنجايىندا ورنالاسقان.