ورتا سالماقتاعى قازاقستاندىق بوكسشى قانات يسلامنىڭ كەزەكتى جەكپە-جەگى 7 قازان كۇنى پلانت-سيتيدە (فلوريدا، اقش) وتەدى، دەپ حابارلايدى Almaty-akshamy.kz.
باستاپقىدا قازاقستاندىق بوكسشىنىڭ قارسىلاسى دومينيكان رەسپۋبليكاسىنىڭ وكىلى 32 جاستاعى ەدۆارد ۋللوا دياس ەدى.
BoxRec.com مالىمەتىنشە، ونىڭ ەندىگى قارسىلاسى 38 جاستاعى ارگەنتينالىق حاۆەر فرانسيسكو مونتيەل (34-17، 23 كو). جەكپە-جەك سەگىز راۋندقا جوسپارلانعان.
قانات يسلام ءۇشىن بۇل جەكپە-جەك 2022 جىلعى ەكىنشى جەكپە-جەك بولماق. الدىڭعى كەزدەسۋدە ول دجيممي كەلليمەن (26-3، 10 كو) WBO Global تيتۋلى ءۇشىن جەكپە-جەكتە جەڭىلىسكە ۇشىرادى.