قازىرگى تاڭدا الەۋمەتتىك جەلىلەر ءومىرىمىزدىڭ اجىراماس بولىگىنە اينالدى. ءار بۇرىشتا «تابىستى بولۋ» مەن «باقىتتى ءومىر ءسۇرۋ» تۋرالى كەڭەس بەرۋشى بلوگەرلەردىڭ كوبەيىپ كەتكەنى سونشالىق، شىندىق پەن قۇر ۋادەنى اجىراتۋ قيىنعا سوعادى. بەلگىلى اكتەر قانات ءالجاپپاروۆ وسى ماسەلەگە قاتىستى حالىقتى ويلانۋعا جانە شىنايى ارەكەتكە شاقىردى، دەپ حابارلايدى aqshamnews.kz
قاناتتىڭ سوزىنشە، بۇگىندە ينتەرنەت جەلىسىندە پايدا بولعان «اقىلشىلاردىڭ» اقىلى كەيدە قيسىنعا كەلمەيدى.
«ينتەرنەتتى اشىپ قالسام، كوك تيىن اقشاسى، يا بيزنەسى جوق اعا بايۋدىڭ جولىن ۇيرەتىپ وتىرادى عوي. نەگىزى باي ادام ۇيرەتپەيدى عوي؟ 3-4 رەت كۇيەۋگە ءتيىپ كەلگەن اپا باقىتتى وتباسى تۋرالى ايتىپ وتىرادى عوي، ميىڭدى اشىتىپ...» – دەيدى اكتەر.
بۇل پىكىر كوپتەگەن ادامنىڭ نازارىن اۋدارىپ، حالىقتىڭ سەنگىشتىگىن پايدالانىپ جۇرگەندەردى سىنعا الۋىنا تۇرتكى بولدى. شىن مانىندە، تابىسقا جەتۋ ءۇشىن قۇر ءسوز ەمەس، شىنايى تاجىريبە مەن ناقتى ىس-ارەكەت قاجەت.
قالاي دەگەنمەن قانات ءالجاپپاروۆتىڭ ءسوزى – حالىقتىڭ بويىنداعى شىنايى نامىستى وياتۋ جانە ءوز بولاشاعىنا سەنىمدى قادام جاساۋعا شاقىرۋ. ءبىز سەنىمگە سۇيەنىپ، ارەكەت ەتسەك، ءارقايسىمىز جەكە جەتىستىكتەرىمىزگە عانا ەمەس، ەلدىڭ وركەندەۋىنە دە ۇلەس قوسامىز.